3,381.65
Энэ жилийн Элсэлтийн ерөнхий шалгалтын бүртгэл хоёрдугаар сарын 9-ний өдөр эхэлсэн. Элсэлтийн шалгалтын журамд заасны дагуу бүртгэл энэ сарын 20 хооронд үргэлжлэх ёстой. Тиймээс ЭЕШ-ын бүртгэл дуусахад ердөө тав хоног үлдээд байгаа бөгөөд ЭЕШ-д орох хүсэлтэй төгсөгчид яаравчлахгүй бол хоцроход хүрчээ. Боловсролын үнэлгээний төвөөс ЭЕШ-д бүртгүүлж амжаагүй шалгуулагчид энэ хугацаанд амжиж бүртгүүлэхийг сануулж байна. Мөн бүртгэл дуусахаас өмнө хичээл нэмүүлэх боломжтой юм байна.
ЭЕШ авах хугацаа
Шалгалт авах өдөр | Цаг | Хичээл |
06 сарын 18 | 10:00 – 11:20 | Монгол улсын түүх |
13:00 – 14:40 | Хими | |
16:00 – 17:20 | Англи хэл | |
06 сарын 20 | 08:30 – 09:50 | Газар зүй |
11:30 – 13:10 | Математик | |
14:30 – 15:50 | Биологи | |
17:10 – 18:20 | Монгол хэл | |
06 сарын 21 | 08:00 – 09:40 | Физик |
11:30 – 12:50 | Нийгмийн тухай мэдлэг | |
14:20 – 15:40 | Орос хэл |
Монгол Улсын Засгийн Газрын 37 дугаар тогтоолын дагуу Их, дээд сургууль, коллежид элсэгчдээс Монгол хэлбичгийн шалгалтыг 2015 оны гуравдугаар сарын 21-ний өдөр авсан. Тус шалгалтанд хамрагдаж 400-аас дээш оноо авсан төгсөгчид Элсэлтийн ерөнхий шалгалтанд хамрагдах боломжтой боллоо гэсэн үг юм.
400-аас доош оноо авсан шалгуулагчдын хувьд 2015 оны дөрөвдүгээр сарын 25-ны 12.00 цагт дахин шалгалтанд хамрагдах бөгөөд дахин Монгол хэлбичгийн шалгалтанд бүртгүүлэх шаардлагагүй гэнэ. Харин дөрөвдүгээр сарын 18-24-ний хооронд БҮТ-ийн www.eec.mn сайтаар орж өөрийн овог нэр, регистрийн дугаараараа нэвтэрч шалгалтын бүртгэлийн хуудас, суудлын хуваариа хэвлэн авч шалгалтанд хамрагдана гэдгийг Боловсролын үнэлгээний төвөөс онцгойлон анхааруулж байна.
Д.ЦЭЭЛ
