Баянзүрх дүүргийн нутаг дэвсгэрт хүний амь насыг хөнөөсөн онц ноцтой хэрэг 03.10 цагийн үед гарлаа. Тус дүүргийн 19  дүгээр хороо “Цайз”-ын 20-д амьдардаг 42 настай А гэдэг эмэгтэй нэг настай  хүүхэдтэйгээ гэртээ унтаж байсан гэнэ. Гэтэл гэнэт гэр рүү нь  машин орж ирээд эмэгтэйг дайрч амь насыг нь хөнөөжээ. Бяцхан охин бас хүнд гэмтсэн бөгөөд Гэмтэл согог судлалын үндэсний төвийн Эрчимт эмчилгээний тасагт эмчлүүлж байна. Талийгаачийнх замын ойролцоо ч хашаатай байсан гэнэ. Энэ гэмт хэргийг үйлдэгч эмэгтэй хүн бөгөөд 20 настай тэрбээр жолооны эрхээ аваад нэг сар болж байсан юм байна. 12-99 УНГ Тoyota carina маркийн машины жолооч урьд шөнө төрсөн өдрөө тэмдэглэсэн гэж цагдаагийнханд мэдүүлжээ. Харин үлээлгэхэд согтуурлын зэрэг илрээгүй гэнэ.
Ойрны эх сурвалжийн мэдээлж байгаагаар жолооч охин эрүүл байсан ч дадлага туршлагагүй, айж сандрахдаа машинаа зогсоох гэж оролдсон ч хурдаа нэмсээр хашаа, гэрийг дайрсан бололтой гэв. Хүний амь нас хөнөөсөн эмэгтэйд эрүүгийн хэрэг үүсгэн шалгаж эхэлжээ.
Х.Хангал