-Спортын төв ордонд болж буй хоёр багийн цувралын 6 дахь тоглолт лхагва гаригт 18.00 цагаас болно-

Монголын Үндэсний сагсан бөмбөгийн холбооноос зохион байгуулж буй “Супер лиг”-ийн аваргын төлөө өрсөлдөхөөр "Дундговь Альянс Тех Харцага" шалгараад байгаа. Тэгвэл нөгөө нэг эрхийн төлөө “SBL Хасын Хүлэгүүд”, “Дорнод Танан Гарьд” багууд өрсөлдөж байна. Хоёр багийн цувралын тав дахь тоглолт өчигдөр/04,13/ Спортын төв ордонд болж, 110:87 онооны харьцаагаар "Дорнод Танан Гарьд" баг ялалт байгуулав. Ингэснээр цувралыг 3:2-оор гарьдууд тэргүүлж эхэлсэн бөгөөд тэдний хувьд маргааш болох 6 дахь цувралд хожил авч чадвал финалд шалгарах юм. Хэрвээ энэ тоглолтод "SBL Хасын Хүлэгүүд" хожвол, цувралын шийдвэрлэх 7 дахь тоглолт баасан гаригт болно.

Цуврал 3:2 ("Дорнод Танан Гарьд")

• “SBL Хасын Хүлэгүүд” vs “Дорнод Танан Гарьд” – 96:114
• “SBL Хасын Хүлэгүүд” vs “Дорнод Танан Гарьд” 118:100
• “Дорнод Танан Гарьд” vs “SBL Хасын Хүлэгүүд” 122:101
• "SBL Хасын Хүлэгүүд" vs "Дорнод Танан Гарьд" 103:98
• "SBL Хасын Хүлэгүүд" vs "Дорнод Танан Гарьд" 87:110

Ч.БОЛ