Долоон санг татан буулгаж, гурван санг нэгтгэнэ | News.MN

Долоон санг татан буулгаж, гурван санг нэгтгэнэ

Хуучирсан мэдээ: 2019.02.27-нд нийтлэгдсэн

Долоон санг татан буулгаж, гурван санг нэгтгэнэ

Долоон санг татан буулгаж, гурван санг нэгтгэнэ

Засгийн газрын өнөөдөр /2019.02.27/-ийн хуралдаанаар Тусгай сангуудад хийсэн шалгалтын хариу цаашид авах арга хэмжээний тухай асуудлыг хэлэлцсэнийг Сангийн сайд Ч.Хүрэлбаатар танилцууллаа. Сангийн яамнаас Засгийн газрын 29 санд шалгалт хийсэн бөгөөд 29 сангийн долоог нь татан буулгах тогтоолын Засгийн газраас баталжээ.  Тодруулбал, Ирээдүйн тэтгэврийн нөөц сан, Эрсдэлийн сан, Засгийн газрын өрийн баталгааны сан, Үйлдвэрлэлийг хөгжүүлэх сан, Олон улсын хамтын ажиллагааны сан, Монгол судлалыг дэмжих сан, Агаарын бохирдлын эсрэг сан зэрэг долоон санг татан буулгахаар болжээ.  Ингэхдээ сангуудтай холбоотой хуульд өөрчлөлт оруулж УИХ-аар хэлэлцүүлэхийг холбогдох албан тушаалтнуудад үүрэг болгосон байна.

Мөн зээлтэй холбоотой Тариалан эрхлэлтийг дэмжих сан, Мал хамгаалах сан, Жижиг, дунд үйлдвэрлэлийг хөгжүүлэх гурван санг нэгтгэх шийдвэрийг гаргаснаас гадна Авто замын сан, Боловсролын зээлийн сан, Хөдөлмөр эрхлэлтийг дэмжих гэсэн гурван сангийн үйл ажиллагааг сайжруулахаар болжээ.  Сангийн сайд Ч.Хүрэлбаатар “Боловсролын зээлийн санд маш их диплом барьцаа маягаар байж байдаг. Диплом нь өөрөө барьцаа хөрөнгийн шаардлагыг хангахгүй байгаа учраас уг асуудлыг шийдвэрлэхээр ажиллана. 1997 оноос хойш 1893 хүн Засгийн газрын тэтгэлгээр гадаадад сурч,  52.3 сая ам.доллар зарцуулагдсанаас 32.7 сая нь эргэн төлөгдсөн” гэлээ.

Бүх сангуудад нийт 14 чиглэлээр үүрэг, даалгавар өгсөн байна. Тодруулбал, ямар нэгэн шийдвэр гаргахдаа мэргэжлийн холбоодыг оролцуулах, үйл ажиллагааг ил тод болгох, холбогдох бүхий л мэдээллийг Шилэн дансны тухай хууль, Мэдээллийн ил тод байдлын тухай хуулийн дагуу олон нийтэд зэрэг үүргийг өгчээ.  Тариалан эрхлэлтийг дэмжих сангаас нийт 140 тэрбум төгрөгийн зөрчил илэрсэн байна. Үүний 47 тэрбумын зөрчил нь тендерийг зохион байгуулахтай холбоотойгоор гарчээ. 72 тэрбум төгрөгийн зээл хугацаа хэтрэлттэй байгаа аж.

Мөн Жижиг, дунд үйлдвэрлэлийг хөгжүүлэх санд төлөгдөөгүй 100 гаруй тэрбум төгрөг байгаа аж. Тиймээс уг сангаас зээл авсан хүмүүсийг зээлийг нь эргэн төлүүлэх юм байна. Нэг  компани хэд, хэдэн сангаас зээл авсан зөрчил илэрсэн байна. Тиймээс зээлтэй компаниудын мэдээллийг Монгол банкны зээлийн мэдээллийн санд оруулахаар болжээ. Цаашид сангуудтай холбоотой үйл ажиллагааг цэгцэлж, чангатгах шаардлагатай арга хэмжээг авч ажиллана. Мөн сангийн хөрөнгийг зориулалтын бусаар зарцуулдгийг хориглох, төрийн албан тушаалтан зээл авдгийг болиулах зэрэг арга хэмжээг авахаар болжээ.

Ч.УЛААН: ЖДҮХС САНГИЙН ЯАМАНД 100 ТЭРБУМЫН ӨРТЭЙ

Мөн энэ үеэр ХХААХҮ-ийн сайд Ч.Улаан ЖДҮХС-ийн зээлийн эргэн төлөлтийн талаар мэдээлэл өгсөн юм. Тэрбээр, Сангийн яамнаас Засгийн газрын тусгай сангуудад шалгалт хийж өнгөрсөн долоо хоногт Засгийн газрын хуралдаанд танилцуулсан билээ. Харин энэ долоо хоногийн Засгийн газрын хуралдаанаар Засгийн газрын сангуудад авах арга хэмжээний тогтоолыг баталсан юм. Тус тогтоолд долоон санг татан буулгаж, зээл олгодог гурван санг нэгтгэх, гурван сангийн үйл ажиллагааг эрчимжүүлэхээр тусгасан байна.

ЖДҮХС өөрөө Сангийн яамнаас 100 тэрбум төгрөгийн зээл аваад эргүүлж өгөөгүй өнөөдрийг хүрчээ. Тус өр нь 2008 оноос хойш хуримтлагджээ. Тэрбээр “Засгийн газрын сангуудад санхүүгийн багагүй зөрчил байна. Шалгалтын мөрөөр өр авлагыг барагдуулах ажлыг зохион байгуулна. Мөн зээлээ зориулалтын дугуу ашиглаагүй, гэрээгээр хүлээсэн үүргээ биелүүлээгүй аж ахуйн нэгж, албан тушаалтантай хариуцлага тооцно. Бизнес эрхлэгчдийн хувьд бизнесийн нэр хүнд нь хөндөгдөж таарна. ЖДҮХС өөрөө асар их хэмжээний өртэй байгаа. 100 тэрбум төгрөгийн хугацаа хэтрэсэн өртэй байна. Одоо төлөгдөж орж ирж байгаа зээлүүд өрөнд суутгагдсан байна.

Цаашдаа Сангийн яамтай зээлээ хэрхэн барагдуулах талаар ярилцаж байна. Ингээд энэ жилийн төлөвлөгөөнд тусгасан зарцуулах ёстой зүйлдээ санхүүжилтээ зарцуулна. Үүний хажуугаар зээлээ төлөх хуваариа шинэчлээд зээлээ төлөөд явна. Тэгэхгүй бол зээл олгох эх үүсвэр орж ирэхгүй өрөндөө шууд суутгагдаад явчих эрсдэлтэй нөхцөл үүсээд байна. Мөн дээрээс нь гэрээний дагуу алданги төлнө” гэсэн юм.

Ш.ЧИМЭГ

Энэ мэдээнд өгөх таны сэтгэгдэл?
4
ЗөвЗөв
1
ХөөрхөнХөөрхөн
1
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-02-27 202.55.191.130

tatan buulgaad, bas negtegchiheer umnu mungu avsan nuhduudtei yaj tootsoo hiih um boldoo

Avatar

Зочин 2019-02-27 64.119.19.229

Монгол судлалын санг харин ч өргөтгөн зохион байгуулмаар юм даа

Avatar

Гадаадын монгол судлаач 2019-02-27 130.34.154.169

Монгол судлалыг хариуцсан хүмүүсийн зөрчлөөс болж энэ сан татан буугдаж байна уу? Хэн хэнээсээ илүү гараад явчих гэж байна гэсэн атаархал нь дийлээд. Зөв зан харилцаатай хүнд л гадаад хүмүүс татагдана. Бусдыг эсээ шиг юмаа монгол судлалын өгүүлэл гэлээ гэдэг нөхөд ч байдаг.

Avatar

зочин 2019-02-27 202.21.127.166

БААБАР, МОЛОР-ЭРДЭН, БУМ ОЧИР МЭТ НЬ МОНГОЛЫГ ДООШ НЬ ЧИХЭЖ ДОРОМЖИЛЖ БАЙХАД ХҮРЭЛБААТАР МЭТ НЬ МОНГОЛ СУДЛАЛЫГ ДЭМЖИХ САНГ ТАТАН БУУЛГАЖ БАЙХ Ч ГЭЖ ДЭЭ, СҮҮЛИЙН ҮЕД ЭНЭ НӨХДҮҮД ЯАГААД ЭХ БОЛСОН МОНГОЛ РУУГАА ДАЙРЧ, МОНГОЛОО ҮЗЭН ЯДНА ВЭ, ХАРЬ УЛСУУДАД АШИГТАЙ ЮМ СОЛИОРНО, ҮҮНИЙГ НЬ КАЗАХУУД ӨЛГӨН АВЧ ӨӨРСДИЙГӨӨ АГУУ ГЭЭД ЯВЖ БАЙДАГ

Avatar

Зочин 2019-02-27 182.160.1.66

nuguu hoshin shog deer gardag SHODROGO BAINADAA

Avatar

Зочин 2019-02-27 202.21.106.145

Дүр эсгээд өнгөрөх юм байга

Avatar

Зочин 2019-02-27 103.229.123.126

ЖДҮ ХУЛГАЙГ ЯАХ ВЭ. ХОТНОР ШАНАГЫН ХУЛГАЙЧ МИНЬ.

Avatar

Zochin 2019-02-27 202.21.127.173

Гадаадад Монголыг суртачлахад чухал үүрэгтэй, өчүүхэн бага мөнгөтэй Монгол судлалыг дэмжих санг татан буулгаад, идэж уудаг, их мөнгөтэй сангуудтайгаа тэмцсэн дүр эсгэж байгаа юм байх даа. Төрийн бодлоого гэж байна уу.

Avatar

Зочин 2019-02-27 64.119.19.229

ТЭДС-аас тендер зарласантай холбоотой 47 тэрбумын зөрчил илэрсэн гэж байна. Илрээгүй үлдсэн байх магадлал бас бий. Холбогдох эзэд нь мэдээж сугараад хоцорно биз дээ. Эцэст нь татвар төлөгчдийн ачаа л улам хүндэрч, ардын амьжиргаа сайжрах биш муужирч, иргэд өдөр цагаар өр нь улам зузаарсаар хорвоог барах юм байна л даа

Avatar

Хотгор шанага-ын хулгайч 2019-02-27 65.19.167.131

Хотгор шанага-ын хулгайч луйварчин Сайд. Хулгайч хүн шалгалт хийж хулгайг илрүүлнэ ч гэж юу байхав. Чи өөрөө л зайлж үз Монгол төрөөс Ч.Хүрэлбаатар бузар минь

Avatar

зөв 2019-02-27 182.160.33.84

эрүүл мэндийг дэмжих сан гэж хэрэггүй сан байна засгийн ,газрын мөнгө угаадаг үр дүнгүй санг татан буулгах хэрэгтэй

Avatar

Зочин 2019-02-27 182.160.33.84

эрүүл мэндийг дэмжих сан гэж хэрэггүй сан байна засгийн ,газрын мөнгө угаадаг үр дүнгүй санг татан буулгах хэрэгтэй

Avatar

Дуламka 2019-02-27 106.186.233.133

Mongol sudlaliig demjih san heregtei baisan

Avatar

ХХААХҮЯ дотоод аудитын дарга Совдыг зайлуул 2019-02-27 103.212.116.31

ХХААХҮЯ-ны хяналт, үнэлгээ дотоод аудитын газрын дарга Д.СОВД санхүүгийн дотоод хяналт тавьж чадахгүй ажлаа муу хийснээс ЖДҮХС-н хууль бус зээл газар авсан. Сайд нь огцорчихоод байхад сайдын дэргэдэх дотоод аудитын дарга Совд хуулийн хариуцлага хүлээхгүй байгаа шударга бус байна. Совдыг халж хариуцлага тооц.

Avatar

Иргэн 2019-02-27 202.21.124.129

Энэ засаг лав Монгол судлалыг дэмжихгүй юм байна. Арга ч үгүй биз бага мөнгөтэй, завсраас нь хулгай хийх боломж багатай, дарга нарт унацгүй сангуудыг шууд татан буулгаж байгаа юм уу да. ЖДҮ, ТЭДС гээд унацтай сангууд бол нэр нүүр нь хувираад, булхай луйвар нь өнгөлөн далдлагдаад замхрах нь бололтой.

Avatar

Зочин 2019-02-27 202.21.116.2

мөрөө баллах нь дээ

NewsMN Гар утасны хувилбар Татах
NEWS.mn

Мэдээллийн эх сурвалж