НБА-н талбайд өнгөрсөн мягмар гаригт явагдсан Лос-Анжелес Лейкерс болон Мемфис Гриззлис багуудын тоглолтын үеэр түүхэн амжилт тогтоогдов. Уг тоглолтод Лос-Анжелес Лейкерс багийн тоглогч Л.Жеймс карьерынхаа 8525 дахь оновчтой дамжуулалтаа өгсөн. Ингэснээр Л.Жеймс НБА-н түүхэнд оновчтой дамжуулалт болон авсан оноо гэсэн хоёр үзүүлэлтээр бүх цаг үеийн ТОП-10-д багтсан анхны бөгөөд цорын ганц тоглогч болжээ.

Түүнээс өмнө НБА-н түүхэнд дээрх хоёр үзүүлэлтээр хоёулангаар нь бүх цаг үеийн ТОП-10-д багтсан тоглогч байгаагүй юм. Одоо тоглож буй тоглогчдоос К.Пол оновчтой дамжуулалтаараа ТОП-10-д багтаж байсан бол Л.Жеймс өчигдрөөс эхний аравт багтлаа. Мөн өчигдрийн тоглолтод Л.Жеймс 24 оноо, 12 самбар, 11 оновчтой дамжуулалт өгч карьерынхаа 79 дэх трибл даблиа хийснээр бүх цаг үеийн 5-д орж ирсэн байна.

НБА-н бүх цаг үеийн оновчтой дамжуулалтын ТОП-10 тоглогч

1. Ж.Стонктон – 15806
2. Ж.Кидд – 12091
3. С.Нэш – 10335
4. М.Жексон – 10334
5. М.Жонсон – 10141
6. О.Робертсон – 9887
7. А.Томас – 9887
8. К.ПОЛ – 9061
9. Г.Пэйтон – 8966
10. Л.ЖЕЙМС – 8535

НБА-н бүх цаг үеийн оноо авалтаар тэргүүлэгч ТОП-10 тоглогч

1. К.Абдул-Жаббар – 38387
2. К.Мэлоун – 36928
3. К.Брайнт – 33643
4. М.Жордан – 32292
5. Л.ЖЕЙМС – 32162
6. У.Чембрерлайн – 31419
7. Д.НОВИЦКИ – 31340
8. Ш.О’Нил – 28596
9. М.Мэлоун – 27409
10. Э.Хэйс – 27313

Б.БЯМБАБАЯР