“Өрсөлдөх чадвартай дээд боловсрол” төслийн үйл ажиллагааг идэвхжүүлэн дэмжиж ажиллана | News.MN

“Өрсөлдөх чадвартай дээд боловсрол” төслийн үйл ажиллагааг идэвхжүүлэн дэмжиж ажиллана

БААТАРБИЛЭГ

“Өрсөлдөх чадвартай дээд боловсрол” төслийн үйл ажиллагааг идэвхжүүлэн дэмжиж ажиллана

“Өрсөлдөх чадвартай дээд боловсрол” төслийн үйл ажиллагааг идэвхжүүлэн дэмжиж ажиллана

Өнөөдөр /2019.02.25/ УИХ-ын гишүүн, Боловсрол, соёл, шинжлэх ухаан, спортын сайд, МУИС-ийн төгсөгч Ё.Баатарбилэг МУИС-ийн удирдлагуудыг хүлээн авч уулзлаа. Уулзалтад БСШУСЯ-ны Шинжлэх ухаан, технологийн бодлогын газрын дарга С.Мөнхбат, Олон улсын төсөл, хөтөлбөр, гадаад хамтын ажиллагааны газрын дарга Т.Ууганбаяр, МУИС-ийн захирал Я.Төмөрбаатар, МУИС-ийн Сургалт, оюутан хариуцсан дэд захирал Б.Очирхуяг, Санхүү, төлөвлөлт хариуцсан дэд захирал Ч.Ундрам нар оролцлоо.

Уулзалтаар “Өрсөлдөх чадвартай дээд боловсрол” төслийн үйл ажиллагааг идэвхжүүлэх тухай ярилцаж БСШУС-ын сайд Ё.Баатарбилэг “Өрсөлдөх чадвартай дээд боловсрол” төслийн хүрээнд баригдах хичээлийн VI байрны газрын зөвшөөрлийн асуудлаар Хотын захиргаанд уламжилж дэмжлэг үзүүлэхээ илэрхийлээд Үнэлгээний хороог Монгол Улсын Их Сургууль дээр өргөтгөн, үргэлжлүүлэн эрчимтэй ажиллуулах чиглэл өглөө.

Монгол Улсын Их Сургуулийн зүгээс дээд боловсролын хүрээнд болон тус сургуулиас цаашид хэрэгжүүлэх шаардлагатай, бодлогын дэмжлэг хүссэн ажлын албан хүсэлт, саналуудыг сайдад танилцуулав.

Тухайлбал Засгийн газраас баталсан Судалгааны их сургуулийн талаар баримтлах бодлого, Үндэсний хөтөлбөрийн хэрэгжилтийг хангах үүднээс холбогдох хууль тогтоомжид Судалгааны их сургууль, эндаумент сангийн тухай заалтыг тус тус оруулах, төрийн өмчит их, дээд сургуулиудад олгодог тогтмол зардлын санхүүжилт сүүлийн жилүүдэд олгогдоогүй бөгөөд энэхүү зардлыг төсвийн тодотголоор шийдвэрлэж өгөхийг хүслээ.

Үүнчлэн Оюутны хөгжлийн зээлийн журмыг эргэн харж зээл олгох голч оноог улсын хэмжээнд чухал ач холбогдолтой байгалийн ухаан, инженер, багш, технологийн салбар, мэргэжлийн оюутнуудад уян хатан байдлаар өөрчлөх санал тавьсан юм.

Мөн Монгол Улсын Засгийн газраас 2024 он гэхэд Монгол Улсын 4 их сургуулийг Азийн шилдэг 100 их сургуулийн тоонд оруулах зорилт тавьсантай холбогдуулан МУИС нь олон улсын их сургуулиудын эрэмбэ тогтоодог QS Ranking байгууллагатай хамтран ажиллаж байна. Өнгөрөгч онд олон улсын эрэмбэ тогтоолгохтой холбоотой сургалт, зөвлөгөөнийг QS Ranking байгууллагаар Монголын төрийн өмчит их, дээд сургуулиудыг оролцуулан зохион байгуулсан бөгөөд МУИС, ШУТИС, СУИС, МУБИС зэрэг сургуулиуд уг байгууллагаар эрэмбэ тогтоолгох хүсэлтээ илгээсэн байгаа тул цаашид олон улсад Монгол Улсын их сургуулиудын эрэмбийг тогтоолгохтой холбоотой гарах зардлыг улсын төсөвт суулгах санал гаргалаа.

МУИС-ийг түшиглэн докторын зэрэг хамгаалуулах 17 зөвлөл ажилладаг бөгөөд зарим их сургууль дээр ажиллаж буй ижил үйл ажиллагаатай зөвлөлийн давхардлыг арилгах, чанарыг сайжруулах, хамгаалуулах зарим зөвлөлийн бүрэлдэхүүнийг өөрчлөхтэй холбоотой саналыг танилцуулав.

БСШУС-ын сайд Ё.Баатарбилэг МУИС-ийн зүгээс гаргасан саналуудыг хүлээн авч бодлогын дэмжлэг үзүүлэх чиглэлд онцгой анхаарч ажиллахаа илэрхийллээ.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-02-26 122.201.24.68

МУИС - д л найдаж байна Монгол хүний төлөө гэсэн арай дээр санагдаж байна

Avatar

Зочин 2019-02-26 202.21.122.166

Энэ их дээд гээд өөрсдийнхөө сургуулиудыг худлаа сурталчилж хүүхдүүдийн тархийг угаадаг зүйлсийг таслах хэрэгтэй байна.Монголд чанартай цөөхөн сургууль байхад л боллоо биздээ.Олон хувийн их дээд сургууль байх хэрэггүй.

Avatar

dorj 2019-02-26 202.131.243.190

MCYT-ийг заавал төгсөгдөг болгомоор байна Япон герман шиг Дээд сургууль гэж хоосон онол заахаас л хэрэгтэй нь байх НИЙГЭМД

Avatar

Үнэн 2019-02-26 124.158.88.12

Дунд сургуулиудаа эхэлж цэгцэлвэл зүгээр дээ.

Avatar

Зочин 2019-02-26 182.160.34.223

Өнөөдөр дээд боловсрол эзэмшлээ гээд юу ч олж долоохгүй

Avatar

Иргэн 2019-02-26 64.119.17.57

Их сургуулиудыг хотоос гаргахаа болиод шинэ байр нэмж барих ухааны юм яриад явчихжээ. Ямар уймраа чавганц шиг бодлогогүй юм ярьдаг, хийдэг сайд вэ энэ чинь.

Avatar

Зочин 2019-02-26 103.26.195.116

МУИС н нэр хүндийг аврахын тулд эхлээд 9 р анги төгсөгчдийн 50: н хувийг 10 р а:нгид элсүүлж ЭШ ийн босго оноог 500 болго ингэвэл чадварлага сэхээтнүүд бмй болно харин 10 р ангид орж чадаагүй нь малчин тариачин ажилчин болж баялаг бүтээгчид болно:

NewsMN Гар утасны хувилбар Татах
NEWS.mn

Мэдээллийн эх сурвалж