Испанийн “Univision” телевизийн мэдээлснээр, хоёрдугаар сарын 25-ны өдөр Венесуэлийн Ерөнхийлөгч Николас Мадуротой ярилцлага хийж байсан сэтгүүлчдийг баривчилжээ. Хэвлэлд мэдээлснээр, Мадурод сэтгүүлчдийн тавьсан асуултууд таалагдаагүй байна.

Тус телевизээс “Улсын Ерөнхийлөгчид ярилцлагын үеэр сэтгүүлчдийн тавьсан асуултууд таалагдаагүй. Тэрбээр бичлэгээ зогсоохыг шаардаж, улмаар сэтгүүлчдийн багаж хэрэгслийг нь хураан авахыг тушаан,  Каракас дахь Мирафлорес ордноос зургаан сэтгүүлчийг баривчилсан" гэж мэдээлжээ.

Венесуэлийн хэвлэл мэдээллийн ажилчдын үндэсний холбооноос мэдээлснээр, баривчлагдаад байсан сэтгүүлчдийг чөлөөлсөн байна.

ЭХ СУРВАЛЖ: АИФ