Беларусь улсын нийслэл Минск хотод болсон 23 дахь удаагийн самбо бөхийн “Ерөнхийлөгчийн цом”-ын олон улсын тэмцээнд Монголын баг амжилттай оролцлоо. Гавьяат дасгалжуулагч Г.Үүрцолмонгоор удирдуулсан самбочид алт, мөнгө, хүрэл медаль тус бүр гурвыг хүртжээ. Тэмцээнд ОХУ, Гүрж, Беларусь, Монгол, Казахстаны бөхчүүд оролцсон байна.

Монголын самбочдоос эрэгтэйчүүдийн 68 кг-д Д.Алтансүх, 74 кг-д Н.Хадбаатар, эмэгтэйчүүдийн 68 кг-д Ц.Батцэцэг алтан медаль хүртсэн бол Ч.Ойдовчимэд, Ч.Аззаяа, Л.Өнөболд, Д.Пүрэвдорж, Б.Серик нарын тамирчид медалын тавцанд зогсчээ.