"Яам болон ЗХЖШ-аас бидэнтэй ирж уулзаагүй" | News.MN

"Яам болон ЗХЖШ-аас бидэнтэй ирж уулзаагүй"

Хуучирсан мэдээ: 2019.02.25-нд нийтлэгдсэн

"Яам болон ЗХЖШ-аас бидэнтэй ирж уулзаагүй"

"Яам болон ЗХЖШ-аас бидэнтэй ирж уулзаагүй"

Дорноговь аймгийн Зүүнбаян дахь хурандаа Д.Өлзийбаяр захирагчтай 336 дугаар ангид алба хааж байсан хугацаат цэрэг 2019 оны нэгдүгээр сарын 22-ны өдөр золгүй байдлаар амиа алдсан харамсалтай хэрэг гарсан билээ.

Цагдаагийн ерөнхий газраас 2019 оны нэгдүгээр сарын 24-ны өдөр талийгаачийн үхлийн шалтгааны талаар мэдээлэхдээ гаднын нөлөөгүй амиа алдсан, бие дээрх хөх толбыг хүүрийн толбо хэмээн тайлбарласан юм. Тэгвэл уг мэдээллийг талийгаачийн ар гэрийнхэн үгүйсгэж талийгаачийг зодуулснаас болоод амиа алдсан гэдэгтэй санал нэгдэж байгаа. Талийгаачийн шүүх эмнэлгийн дүгнэлт өнгөрөгч баасан гаригт /2019.02.22/ гарсан бөгөөд уг асуудлаар талийгаачийн төрсөн ах Б.Эрдэнэбаттай дахин холбогдож цөөн асуултад хариулт авлаа.

-Талийгаачийн шүүх эмнэлгийн дүгнэлт гарсан уу. Дүүгийн тань амь насаа алдсан шалтгааныг үнэн зөвөөр дүгнэж үү?  

-Өнгөрөгч Баасан гаригт буюу 2019 оны нэгдүгээр сарын 22-ны өдөр талийгаачийн задлан шинжилгээний дүгнэлт гарсан гэсэн. Өнөөдрийн байдлаар уг дүгнэлттэй танилцаагүй явна. Шүүх эмнэлгийн дүгнэлт Дорноговь аймгийн мөрдөн байцаагчид очсон гэсэн. Бид маргааш Эрдэнэтээс гарах бодолтой байна. Хэрвээ очиж амжихгүй болохоор байвал өмгөөлөгчөө явуулж дүгнэлттэй танилцах байх.

-Шүүх эмнэлгийн дүгнэлт яагаад удааширсан юм бол?

-Шүүх эмнэлгийн дүгнэлт 21-30 хоногийн дотор гардаг гэж хуулиндаа заасан байдаг юм билээ. Анхны дүгнэлтийн талаар та бүхэн мэдэж байгаа байх. Урьдчилсан байдлаар гаднын нөлөөгүй, ил харагдах шарх сорвигүй гарсан гэсэн байсан. Тэр бол илт худлаа дүгнэлт. Тиймээс манай гэр бүл дахин шинжилгээ хийлгэхээр хандсан нь энэ юм.

-Та хотод хэдийгээр ирэх вэ? Энэ асуудлаар холбогдох яам, агентлагт хандав уу?

-Би дүгнэлттэйгээ танилцчихаад хот орох байх. Шүүх эмнэлгийн дүгнэлтийг харж байж дараачийн асуудалдаа орно.

-Талийгаачийг зодсон гэх ахлагч нарт ямар арга хэмжээ авсан юм бол?

-Тэр асуудлыг ёстой хэлж мэдэхгүй байна. Хэрэг гарсны дараа саатуулсан гэж надад хэлсэн.

-Батлан хамгаалах яамны болон Зэсвэгт хүчний жанжин штабаас хүмүүс тантай биечлэн уулзсан уу?

-Уулзаагүй. Нэг удаа л утсаар ярьсан. Энэ хэрэгт дахин мөрдөн байцаалт явуулахаар болж байгаа юм билээ. Дахиад цэргүүдээс байцаалт авна гэж байсан.

Э.АРИУН 

Энэ мэдээнд өгөх таны сэтгэгдэл?
10
ХарамсалтайХарамсалтай
7
БурууБуруу
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ТэнэглэлТэнэглэл
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

САНАЛ 2019-02-25 122.201.24.152

ЕРӨНХИЙ САЙДАА ХАРИУЦЛАГА ТООЦОХ АСУУДЛАА МАРТААГҮЙ БИЗЭЭ, ААВЫН ХҮҮХДҮҮДИЙГ ЯЛГААД ЯАХАВДЭЭ БХЯ-НЫ САЙД ДЭД САЙД, БУСАД УДИРДЛАГАТАЙ ХАРИУЦЛАГА ТООЦОХГҮЙ БОЛ ТАНЫ АМ АЖИЛ ЗӨРӨХ АСУУДАЛ ҮҮСЛЭЭ

Avatar

Зочин 2019-02-25 78.187.120.177

Одооний цэрэг ч нялцгай болжээ, дайн болвол яах юм, эцэг эх нь яам, Жанжин Штаб бидэнтэй уулзаж байж хүүхдээ дайнд явуулна гэх юм уу, цэрэг армийн ийм эмзэг асуудлыг сэтгүүлч ойлгож бичиж чадахгүй бол сонирхоод ч хэрэггүй, хариуцлага алдсан бол дарга нар нь тэртээ тэргүй цэргийн хууль тогтоомжийн дагуу хариуцлага хүлээнэ. Харин БХЯ цэргийн албаны сурталчилгааны талаар хангалтгүй ажилалж ирсэн нь үнэн

Avatar

Зочин 2019-02-25 64.119.18.91

Үхтэл нь зодно гэж байхгүй. Ямар нэг суурь өвчтэй байсан байх. Цэрэгт ирэхдээ үлдтэй ирсэн хүн гэсэн биз дээ. Одоо дүүгийнхээ ясыг өндөлзүүлэхээ боль.

Avatar

Зочин 2019-02-25 66.181.177.93

одоогийн арми эрүүл эрчүүдийг дайчилж байгаа суурь өвчтэй хүн авч сургадаг өөрийгөө хорлодог тэнэг офицериуд байхгүй болсон орос стандартаар бүтээсэн армид дедовщина дэглэлтээс салаагүйг харуулж байна

Avatar

Зочин 2019-02-25 182.160.2.117

Шүүх эмнэлэгт Сарангэрэл гэдэг хулхи эмч байдаг авилгалд идэгдсэн тжр шулам шинлжих ёстой хүнээ үзээгүй байж дүгнэлт гаргдаг. Дүгнэлтийн нь эсэргүйцлээ юу ч олж долоохгүй тул шүүхэд комиссор гаргуулах өргөдлөө өгөөрөй. Шүүх эмнэлгийн даргань та тайвшир гэж давтахаас өөр юм хэлдэггүй луйварчин байдаг юм байна лээ.

Avatar

Зочин 2019-02-25 202.131.245.243

Энэ чинь л жинхэнэ ардчилал шүү дээ. Ардчилсан нийгэмд мөнгөтэй нь хожиж, мөнгөгүй хохирч байх ёстой юм. Энэ бол жам.

Avatar

Зочин 2019-02-25 103.111.68.50

Тэр муу садистуудыг бүгдийг нь шоронд нь хатаа

NewsMN Гар утасны хувилбар Татах
NEWS.mn

Мэдээллийн эх сурвалж