Яруу найрагч, зохиолч Лувсандоржийн Өлзийтөгсийн “Ярилцлага” хэмээх өгүүллэгээс сэдэвлэсэн "Бүсгүйн зурвас" нийгэм уянгын драмын цоо шинэ жүжиг ирэх гуравдугаар сарын 1-нд нээлтээ хийх юм байна.

Уг жүжгийн бэлтгэл ажил дуусах шатандаа орсон бөгөөд Төрийн соёрхолт Н.Наранбаатарын найруулж, Монгол Улсын гавьяат жүжигчин Б.Жаргалсайхан, түүний гэргий Г.Урнаа нар гол дүрд нь тоглож байгаа аж.

Улсын драмын эрдмийн театрын уран бүтээлчид ирэх гуравдугаар сараас дэлхийн сонгодог бүтээлүүдийг тайзнаа амилуулж, үзэгчдэдээ бэлэг барихаар төлөвлөжээ.