Мансуурсан үедээ тээврийн хэрэгсэл жолоодож явсан залуусыг илрүүлжээ | News.MN

Мансуурсан үедээ тээврийн хэрэгсэл жолоодож явсан залуусыг илрүүлжээ

Мансуурсан үедээ тээврийн хэрэгсэл жолоодож явсан залуусыг илрүүлжээ

Мансуурсан үедээ тээврийн хэрэгсэл жолоодож явсан залуусыг илрүүлжээ

Тээврийн цагдаагийн албаны Жижүүрийн шуурхай удирдлагын хэлтэс 2019 оны хоёрдугаар сарын 18-наас 22-ны өдрүүдэд нийт 943 дуудлага хүлээн авснаас зам тээврийн ослын шинжтэй 698 дуудлага, мэдээллийг шалгаж ажиллажээ. Бүртгэгдсэн осол, хэргийн улмаас нийслэлд 14 хүн гэмтэж бэртсэний 6 нь бага насны хүүхэд байсан аж.

Эдгээр өдрүүдэд нийслэлд болон орон нутгийн замд зам тээврийн ноцтой осол, хэрэг бүртгэгдээгүй байна. Мөн зам тээврийн ослын 13 нь явган зорчигч мөргөж гэмтээсэн, 29 нь мөргөлдөх хэлбэрээр, гэрлийн шон, хайс хашлага буюу үл хөдлөх зүйл мөргөх хэлбэрээр 5 осол тус тус бүртгэгдсэнийг шалгаж эхэлжээ.

Алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 147 жолоочийг илрүүлэн хуулийн дагуу хариуцлага тооцож, 9 жолоочийг шүүхээр баривчилж ажилласанб айна.

Бүртгэгдсэн ноцтой зам тээврийн осол, хэргээс дурьдвал:

Баянгол дүүргийн нутаг дэвсгэр, 25-р эмийн сангийн урд замд “H.Elentra” маркийн автомашины жолооч явган зорчигч 21, 23 настай хоёр хүнийг мөргөж гэмтээсэн бөгөөд явган зорчигч нар согтууруулах ундааны зүйл хэрэглэсэн үедээ замын хөдөлгөөнд оролцсон,

Сонгинохайрхан дүүргийн нутаг дэвсгэр, 67-р сургуулийн баруун замд “H.Aero city” маркийн автобусны жолооч нь явган зорчигч 66 настай Д-г мөргөж гэмтээсэн зэрэг хэргүүдийг шалгаж байна.

Мөн хяналт шалгалтын үеэр Сүхбаатар дүүрэг дэх Замын цагдаагийн хэлтсийн зохицуулагч, а/д Ц.Дүүрэнбилэг, а/а Б.Амарбат нар Сүхбаатар дүүргийн 8-р хорооны нутагт “T.Lexus RX450” маркийн автомашины жолооч, 29 настай эрэгтэй А, 23 настай эмэгтэй Н нар нь мансууруулах эм, сэтгэцэд нөлөөлөх бодис хэрэглэсэн үедээ тээврийн хэрэгсэл жолоодож явсныг илрүүлэн харьяа цагдаагийн байгууллагад шалгаж байгаа аж.

Тээврийн цагдаагийн албанаас мэдээлснээр, гарсан зам тээврийн осол, хэргийг өмнөх долоо хоногийн нөхцөл байдалтай харьцуулахад гэмтсэн хүний тоо 56 хувиар, гэмтсэн хүүхэд 50 хувиар, явган зорчигч мөргөж гэмтээсэн осол 35 хувиар, согтуугаар тээврийн хэрэгсэл жолоодсон зөрчил 29 хувиар тус тус буурсан үзүүлэлттэй гарчээ.

Б.ЖАРГАЛ

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-02-22 202.55.191.130

bandii yum be

Avatar

ЗОЧИН 2019-02-22 66.181.185.233

ЕР НЬ ЭНЭ СЭТГЭЦЭД НӨЛӨӨЛӨХ ЭМ ХАР ТАМХИ ХЭРЭГЛЭЖ АВТОМАШИН ЖОЛООДНО ГЭДЭГ СОНСОХОД Ч АЙМААР БАЙНА ЯАНА ДАА. ГААЛИАР ОРУУЛАХГҮЙ БАЙХ БҮРЭН БОЛОМЖТОЙ Л САНАГДАХЫН ГААЛЬЧДАД УЧИР БАЙГАА БАЙХАА. ЯМАР НЭГ АРГААР ОРУУЛЖ ИРЖ БОЛДОГ БАРИГДДАГГҮЙ БАЙСАН УЧРААС Л ХҮМҮҮС ХИЙГЭЭД ЗАРИМ НЬ БАРИГДААД БАЙГААН ШИГ ТЭГЖ Л ОЙЛГОГДООД БАЙХЫН

Avatar

Иргэн 2019-02-22 202.126.88.55

Машинаа хурдтай явуулж муухай дуу гаргаж явдаг залуусыг торгож байгаачээ.хүний анхаарал татах гэж маягладаг тэнэг сагсуу юмнуудыг камёржуулсан гээд байлаг харж жолооны эрхийг нь хасаачээ.хэнд сайран харагдах гэж явдаг бнаа.бүүр дургүй хүрдэг.автабусны буудал дээр зогсож байгаа микрийн хашгирдаг юмнуудаа цэгцлээч дээ.блхир гэж жигтэйхэн муухай микрүүдээ хасаачээ буудал дээр чих дүлийрэм хашгичаад ядаргаатай бнааа

Avatar

мэдээгээ бодож тавь 2019-02-22 202.21.106.138

Гэмт үйлдлийг илрүүлсэн ажилтны нэр усыг тоочих атлаа гэмт үлйдэл хийсэн этгээдийн нэрийг халхавчлан өмгөөлөх нь хэр зөв бэ? Аждаа гүйцэтгэж буй хүмүүсийг дарамт заналхийлэлд учруулах уршигтай бус уу? Харин гэмтнийг бол бүрэн илчилж таних мэдэх бүх хүмүүс сэрэмжилж, шахалт дарамт үзүүлэх нөхцөл бүрдүүлэх нь зүйд нийцнэ. Тэр тусмаа мансууран хүмүүс машин барьж яваа бол том аюул байна. Тэр хүмүүсийг дахин жолооны ард суулгахгүй байх хуулийн зохицуулалт нэн шаардлагатай байна.

Avatar

Жолооч 2019-02-22 64.119.19.230

Шөнийн цагаар автораллигийн тэмцээн шиг маш хурдтайгаар сүлжиж давхилдаж байгаа жолооч нарыг хашраах арга хэмжээ аваарай, согтуу биш ч мансуурсан байх гэмээр баруун зүүнгүй гүйцэж түрүүлээд аймшигтай давхилдаж байна шүү, энхтайваны өргөн чөлөөнөөс бусад замд

NewsMN Гар утасны хувилбар Татах
NEWS.mn

Мэдээллийн эх сурвалж