“Допингийн төрлийн эм, тариаг хэзээ ч тамирчдад хийхгүй” | News.MN

“Допингийн төрлийн эм, тариаг хэзээ ч тамирчдад хийхгүй”

“Допингийн төрлийн эм, тариаг хэзээ ч тамирчдад хийхгүй”

П.Орхоны асуудлаар тамирчид болон дасгалжуулагч мэдүүлэг өгсөн ч “хорлосон” гэдэг нь нотлогдоогүй байна

“Допингийн төрлийн эм, тариаг хэзээ ч тамирчдад хийхгүй”

Чөлөөт бөхийн насанд хүрэгчдийн дэлхийн болон Ази тивийн аварга, Монгол Улсын гавьяат тамирчин П.Орхон 2018 онд Индонез улсад болсон Азийн наадмын үеэр хориотой бодис хэрэглэсэн нь тогтоогдож, дөрвөн жилээр тэмцээнд оролцох эрхээ хасуулаад байна. Дэлхийн бөхийн нэгдсэн холбооноос түүний тэмцээнд оролцох эрхийг 2022 оны есдүгээр сар хүртэл хориглоод байна. Мөн Монголын чөлөөт бөхийн холбоог 20 мянган ам.долларын мөнгөн торгуулиар торгохоор болсон.

Холбоотой мэдээ

П.Орхоны барилдах эрхийг дөрвөн жилээр хасчээ

П.Орхоны барилдах эрхийг дөрвөн жилээр хасчээ

П.Орхон 2018 оны есдүгээр сард хориотой бодис /станозолол/ хэрэглэсэн нь санаатай үйлдэл байсан гэж улмаар гомдол гаргасан нь энэ үйл явдал удаашрахад хүргэжээ. Тэрбээр Индонез явахын өмнө эмч тариа хийсэн гэж мэдэгдсэн нь анхаарал татаад байна.  Энэ талаар Засгийн газрын хэрэгжүүлэгч агентлаг Биеийн тамир, спортын газрын Спортын анагаах ухаан, эрдэм шинжилгээний албаны дарга, гавьяат эмч Ч.Насанбатаас тодрууллаа. Тэрбээр “Тамирчдад тусгай эм, тариа хийнэ. Гэхдээ хэзээ ч допингийн төрлийн эм тариаг тамирчдад хийхгүй. Ийм зүйл хэзээ ч болохгүй” гэсэн тайлбар өглөө.

Дэлхийн бөхийн нэгдсэн холбооноос хориотой бодис хэрэглэсэн нь тогтоогдсон тамирчдын нэрсийг зарлахдаа тайлбар гаргадаггүй. Тэгвэл П.Орхоны шинжилгээний хариуны талаар гаргахдаа өнгөрсөн зургаан сарын хугацаанд болсон үйл явдлыг дэлгэрэнгүй тайлбарлажээ. Тиймээс энэ нь дотооддоо буюу Монголын чөлөөт бөхийн холбоонд багагүй асуудал үүссэнийг харуулна. П.Орхоны асуудлаар тамирчид болон дасгалжуулагч мэдүүлэг өгч түүний хэлээд байсан “хорлосон” гэдэг нь нотлогдоогүй байна.

Үндэсний шигшээ багийн тамирчин, дасгалжуулагч нарт Биеийн тамир, спортын газраас допингийн сургалтыг удаа дараа явуулжээ. Тодруулбал, “Рио 2016” олимпийн наадам өнгөрсний дараа энэхүү сургалт эрчимтэй явагдсан байна. 2017 онд “Допинг ба өнөөгийн байдал”, “Допингийн эм зүйн ангиллын хориглосон жагсаалт” сэдвийн хүрээнд сургалтыг Ч.Насанбат эмч тамирчин болон дасгалжуулагч нарын дунд хийжээ. Мөн Дэлхийн допингийн эсрэг агентлаг/WADA/-аас жил бүр шинэчлэн гаргадаг хориотой эм зүйн ангиллын шинэчлэн батлагдсан жагсаалтыг танилцуулдаг байна. Тиймээс тамирчдад хэзээ ч хориотой төрлийн эм, тариа хийхгүй гэдгийг хэллээ.

П.Орхон 2018 онд мэдээлэл хийнэ гэж байсан ч тухайн үед цуцлагдсан билээ. Энэхүү асуудлын талаар Монголын чөлөөт бөхийн холбоо албан ёсны байр суурь илэрхийлээгүй. Тиймээс хүлээлт үүсгээд байсан П.Орхон 2022 оны есдүгээр сар хүртэл тэмцээнд оролцох боломжгүй болж байна.

Энэ жил 26 настай П.Орхон “Алдар” спорт хороонд Ц.Хосбаяр багшийн удирдлага дор бэлтгэл сургуулилтаа хийж, спортын замналаа эхлүүлсэн түүхтэй. 2016 оны нэгдүгээр сард ОХУ-д болсон Иван Ярыгиний нэрэмжит “Алтан гранпри” тэмцээнд түрүүлэхдээ Японы алдарт бөх Каори Ичогийн олон жил ялагдалгүй явсан ялалтыг зогсоосон юм.

Дэлхий дахинд шуугиантайгаар гарч ирсэн П.Орхон “Рио 2016” олимпийн наадамд 58 кг-д барилдаж, шагналт долдугаар байрыг эзэлсэн. Энэ наадамд алдарт Каори Ичо түрүүлж, олимпийн дөрөв дэх алтан медалиа авсан юм. Алдарт бөхийг ялж, дэлхийн дэвжээнд гарч ирсэн П.Орхон 2017 онд насанд хүрэгчдийн Дэлхийн болон Ази тивийн аварга болж, Монгол улсын Гавьяат тамирчин хэмээх эрхэм алдрыг хүртсэн билээ. Түүний багш Ц.Хосбаяр "Токио 2020" олимпийн наадамд түрүүлнэ гэсэн ярилцлагыг өгч байсан нь багагүй шуугианыг дагуулсан.

“Жакарта 2018” Азийн наадмын үеэр чөлөөт бөхийн хоёр тамирчин хориотой бодис хэрэглэсэний нэг нь П.Орхон байсан бөгөөд тэрбээр дөрвөн жил тэмцээнд оролцохгүй гэсэн шийтгэл аваад байна. Мөн Монголын чөлөөт бөхийн холбоо Дэлхийн нэгдсэн бөхийн холбоонд 20 мянган ам.долларын мөнгөн торгууль төлөхөөр боллоо.

Азийн зуны спортын наадамд Монголын тамирчдаас хориотой бодис хэрэглэсэн тохиолдол урьд нь гарч байгаагүй билээ. 2018 онд Индонезид төрийн дууллаа эгшиглүүлж, монгол түмнээ баярлуулж байсан П.Орхоны Азийн наадмын аваргын алтан медалийг албан ёсоор цуцаллаа. Энэ бүхэнд өнөөг хүртэл тайлбар хийгээгүй байсан Монголын чөлөөт бөхийн холбооноос удахгүй албан ёсны мэдээлэл хийхээр болжээ.

decision_case_o_purevdorj

2017 оны Дэлхийн болон Ази тивийн аварга, Гавьяат тамирчин П.Орхон
Азийн зуны спортын наадамд оролцох Монголын тамирчдын тангарагийг П.Орхон хийж байсан юм. 2018.08 сар Улаанбаатар.
"Болор дуран"-аар шалгав.
Энэ мэдээнд өгөх таны сэтгэгдэл?
6
ХарамсалтайХарамсалтай
1
ХөөрхөнХөөрхөн
0
ЗөвЗөв
0
ХахаХаха
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Цэвэгмид 2019-02-22 66.181.161.25

ОРХОН ЧИ ОДОО ҮНЭНЭЭ ХЭЛЭЭ! ТАЛИЙГААЧ БОЛСОН МАЙЖИГ ЭНХТӨР ЧАМД САНАЛ БОЛГОЖ ЧИ ӨӨРӨӨ ЗӨВШӨӨРЧ ХЭРЭГЛЭСЭН ШҮҮ ДЭЭ. \nИЧЭЭЧ ЧИ

Avatar

Зочин 2019-02-22 66.181.183.11

Сайн сайн гэхэд хэтэрхий сайн байсан юм аа, угаасаа л улаан допингчин байсан юм байна л даа, олон хавар нэгэндээ гэгчээр юм боллоо, одоо тэгээд улсыг хуурч авсан гавьяатыг нь хураагаад хеегеед явуулдаг л байх даа, еер яах вэ дээ

Avatar

зочин 2019-02-22 202.9.43.253

Боовоор дамжаад орчихож

Avatar

юу вэ 2019-02-22 145.53.68.69

Манай эмч мэргэжилтнүүд хаанаас юу авч тарьж байгаагаа өөрсдөө яг мэддэг болов уу. Энэ охины сүүлийн зургуудыг харахад бол илт эр гормон хийлгүүлсэн шинжтэй эршүүд болсон харагдаж байна шүү. Бодигоор хичээллэдэг гарууд ийм тестотерон уугаад байдаг. Тамирчид хэрэглэж болдог юм болов уу даа, допингийн үзлэг шинжилгээ хатуу болсон үед.

Avatar

zochin 2019-02-22 122.201.19.66

Haramsaltai baina…

Avatar

Zochin 2019-02-22 203.91.118.180

Орхонг хорлох ажиллагааг өрсөлдөгч тамирчдын захиалгаар хийсэн нь тухайн үед дасгалжуулагч нь илэрүүлсэнч шигшээгийн нэр хүндээ бодоод олон нийтэд зарлаагүй гэсэн биз дээ одоо ил болгоочээ үнэндээ Орхоныг хоролчихлоо шүү дээ

Avatar

Зочин 2019-02-22 202.21.106.154

Энэ худлаа болсон.

Avatar

Евген 2019-02-22 64.119.20.221

Манайхан допинг хэрэглэж байсан эргээд нэг туухээ хараарай

Avatar

Эгэл 2019-02-22 139.5.218.180

Боловсрол соёл спортын сайд аа Хэрэлдэхээс өөр юм одоо хийхгүй байгаа чөлөөт бөхийн шигшээгийн дасгалжуулагчдыг чөлөөлбөл дээргүй юу\nМонголын дасгалжуулагчид дуусчихаагүй байлтай

Avatar

taamag 2019-02-22 202.21.124.19

dopingiin bodis hereglesen huntei belgiin haritsaand orson tohioldold, ter ni damjina gesen oilgolt baina uu?

Avatar

Зочин 2019-02-22 202.21.115.82

Хайран тамирчин! Чөлөөт бөхийн холбоо, Олимпийн хороо юүгээ харж байдаг байна аа!

Avatar

Зочин 2019-02-22 202.21.106.154

Тариандаа допинг хийсэн үү ,үгүй юү гэдгийг нотолсон юм уу. Нотлох боломжтой биз дээ. Тэмцээнд оролцох гэж байгаа тамирчинд зүгээр нэг хүн дуудаж авчраад тарчихдаггүй байлгүй дээ. Хэрэв тэр тариа баталгаатай бол өөрөө л хэрэглэсэн болно ш дээ.Найдлага тавьж байгаа тамирчныхаа хоол хүнс бүх зүйлд нь анхаардаг,хамгаалдаг байх хэрэгтэй ш дээ.Тийм цэгцтэй байхад допинг илрэхгүй ш дээ. Энэ мэт зүйл дээрээ шалгалт хийгээд ,баримт нотолгоотой юм явуулахгүй болохоор чөлөөт бөхийн холбоо бас буруутна.

Avatar

Зочин 2019-02-22 212.34.48.84

Энэ охин үнэхээр өөрийн авъяас чадвараар цойлон гарч ирсэн. Түүнд допинг хэрэглэх шаардлага байгаагүй гэж мэргэжилтнүүд үздэг. Тэгэхээр юу болов? Үнэнийг тогтоох шаардлагатай!!!

Avatar

Зочин 2019-02-22 103.240.240.73

ЖҮДО БӨХИЙН ХОЛБООНД ОЛИМПЫН НАЙДВАР БАЙХГҮЙ БАЙГАА, 2020ОНД ГАНЦ ТҮРҮҮЛЭЭД ЗОДОГ ТАЙЛАХ ГЭЖ БАЙГАА, ЯПОНЧУУДЫН СҮЛД ТЭМДЭГ БОЛСОН ИЧОГ ИЛҮҮРХЭЭД ЭХЭЛСЭН НЬ АСАР ИХ МӨНГӨӨР ЗАХИАЛГААР ХИЙСЭН БАЙХ МАГАДЛАЛ ӨНДӨР БГА , ТЭР ЭМ НЬ Ч ХУРДАН АДУУНД АМААР НЬ УСАНД НАЙРУУЛААД ӨГЧИХ БОЛОМЖТОЙ ЭМ

Avatar

Зочин 2019-02-22 103.240.240.73

ЖҮДО БӨХИЙН ХОЛБООНД ОЛИМПЫН НАЙДВАР БАЙХГҮЙ БАЙГАА, 2020ОНД ГАНЦ ТҮРҮҮЛЭЭД ЗОДОГ ТАЙЛАХ ГЭЖ БАЙГАА, ЯПОНЧУУДЫН СҮЛД ТЭМДЭГ БОЛСОН ИЧОГ ИЛҮҮРХЭЭД ЭХЭЛСЭН НЬ АСАР ИХ МӨНГӨӨР ЗАХИАЛГААР ХИЙСЭН БАЙХ МАГАДЛАЛ ӨНДӨР БГА , ТЭР ЭМ НЬ Ч ХУРДАН АДУУНД АМААР НЬ УСАНД НАЙРУУЛААД ӨГЧИХ БОЛОМЖТОЙ ЭМ

Avatar

Иргэн 2019-02-22 103.26.194.201

Бичиж буй зүйлийнхээ утга найруулгыг харж байгаач ээ????????????? "П.Орхон 2018 оны есдүгээр сард хориотой бодис /станозолол/ хэрэглэсэн нь санаатай үйлдэл байсан гэж улмаар гомдол гаргасан нь энэ үйл явдал удаашрахад хүргэжээ" энэ одоо юу гээд байгаа юм, ойлгомжгүй.

NewsMN Гар утасны хувилбар Татах
NEWS.mn

Мэдээллийн эх сурвалж