Цас бага орсноос ой хээрийн түймэр эрт гарах магадлалтай | News.MN

Цас бага орсноос ой хээрийн түймэр эрт гарах магадлалтай

Цас бага орсноос ой хээрийн түймэр эрт гарах магадлалтай

Цас бага орсноос ой хээрийн түймэр эрт гарах магадлалтай

Онцгой байдлын ерөнхий газар болон Байгаль орчин аялал жуулчлалын  яамны төлөөллүүд хамтран өнөөдөр /2019.02.21/  гурав, дөрөвдүгээр сарын цаг агаарын нөхцөл байдлыг танилцууллаа. 2019 оны хоёрдугаар сарын 20-ны өдрөөс ой хээрийн гал түймрээс урьдчилан сэргийлэх арга   хэмжээний тухай улсын онцгой комиссын албан даалгавар гарсан байна.

Улсын хэмжээнд өнгөрсөн 2018 онд  нийтдээ 13 аймгийн 48 сумд 77 удаагийн ой хээрийн гал түймэр  гарснаас  нийтдээ 16600 га  газарт ой хээрийн гал түймэр гарчээ. Түймрийн улмаас байгаль экологид 39.5 тэрбум төгрөгийн хохирол гарсан бол гал  түймэр унтраахад 250 сая төгрөг зарцуулжээ.

Цаг уур шинжилгээний газраас ирүүлсэн мэдээллийн  дагуу 2019 оны  хоёр, гуравдугаар саруудад нийт нутгаар олон жилийн дунджаас цас багатай байна. Хаврын улиралд нийт нутгийн ихэнх нь хуурайшилт өндөр байгаа учир  ой хээрийн  түймрийн нөхцөл хүндэрч магадгүй дүгнэлт  мэргэжлийн байгууллагуудаас гаргажээ.

Хоёрдугаар сарын 20-ны байдлаар  нийт нутгийн 70 гаруй хувь нь цасан бүрхүүлтэй байгаагаас Баян-Өлгий, Завхан, Увс аймгийн нутгаар 15-24  см зузаан цастай байгаа бол бусад нутгаар цас багатай, ялангуяа зүүн аймгуудын ихэнх нутгаар цас багатай байна. Ихэнх аймаг цас багатай байгаа учир хавар эрт хуурайшилт үүсэх юм. Энэ жилийн хувьд  цас эрт хайлснаас хуурайшилтын зэрэг өндөр гарчээ.

Ялангуяа хөрш зэргэлдээ ОХУ-д он гарснаар 40 удаагийн ой  хээрийн гал түймэр гарсан байна. Энэ байдлаас харахад хуурайшилтын зэрэг зөвхөн Монголд төдийгүй хөрш зэргэлдээ улсад хүртэл явагджээ. Энэ жилийн хуурайшилтын эрчим өндөр байгаа учраас эрт гарах магадлалтай юм байна.

Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ГӨРӨӨЧИН Ш.Раднаа 2019-02-21 122.201.21.12

ХУЛГАЙН АНЧИНТАЙ ТЭМЦЭНЭ ГЭХ ЮМ. ХАВАР АГНАДАГ АН ГЭЖ БАЙХГҮЙ. Буга ховордсон тул нэг үеэ бодвол эвэрт явж өөрийгөө, морио зовоох хүн ховор болсон. Шуналтай нэг нь баавгайд л санаархаж мэднэ дээ.

Avatar

Зочин 2019-02-21 112.72.11.123

Одоо энд чинь нѳгѳѳ ѳмнѳх гарч байсан хуурайшилтын түймрүүдийн түүх баримжаа ѳгнѳ. Түүнийхээ үндсэн дээр бэлтгэлээ хангаж, сэргийлж ажиллах хэрэгтэй болов уу. Хангай нуруу хулгайн анчин, эвэр түүгчдийн балгаар ойрхон давтамжтай шатдаг. Хэнтийн нуруу, Саяны нуруу руу Оросоос голдуу түймэр орж ирдэг. Тѳрийн гахай сүүлтнүүд үүнийг мэдэх бололцоотой ч жил болгон шахуу түймэр гарсаар л байдаг. Бүхэл бүтэн улсын хувьд сэргийлэх боломж олдолгүй яахав дээ. Хил хавиар ѳргѳн зурвасаар зогоон татаж хѳрсийг

Avatar

Зочин 2019-02-21 112.72.11.123

эргүүлж болж байна. Хулгайн анчид, эвэр түүгчидтэй хатуухан тэмцэж болж байна. 6 сарын аян зохиогоод, торгуулийг нь ѳндѳрсгѳж ягштал тулж ажиллавал гооч бий.

NewsMN Гар утасны хувилбар Татах
NEWS.mn

Мэдээллийн эх сурвалж