Монгол Улсын 2019 оны шатрын улсын аварга шалгаруулах анхан шатны тэмцээн өнөөдөр эхэллээ. Эрэгтэйчүүдийн 59, эмэгтэйчүүдийн 51 дэх тэмцээн болж байна.

Тэмцээний нээлтийн өргийг УИХ дахь Шатрын спортыг дэмжих лобби бүлгийн гишүүн Б.Саранчимэг болон МУ-ын шатрын холбооны ерөнхийлөгч, Дэлхийн шатрын холбооны удирдах зөвлөлийн гишүүн Ц.Сайнбаяр нар нүүж тэмцээнийг эхлүүллээ.

Б.Саранчимэг гишүүний хувьд  Баянзүрх дүүрэгт “Ногоон бэрс” хөтөлбөрийг хэрэгжүүлж 10 гаруй “Ногоон бэрс” шатрын клуб болон 2000 өрхийг шатаржуулсанаас гадна тойргийнхоо 3-аас дээш хүүхэдтэй өрх бүрийг шатаржуулахаар ажиллаж байна.