Алга болсон охин ээж, эгч, эмээтэйгээ амьдардаг байжээ | News.MN

Алга болсон охин ээж, эгч, эмээтэйгээ амьдардаг байжээ

Алга болсон охин ээж, эгч, эмээтэйгээ амьдардаг байжээ

Алга болсон охин ээж, эгч, эмээтэйгээ амьдардаг байжээ

Хөвсгөл аймгийн Ренчинлхүмбэ сумын Далайн зах багийн Товог уул гэх газраас 13 настай охин 2018 оны наймдугаар сарын 7-ны өдөр 11.00 цагийн орчимд  хонио хариулахаар гарч яваад одоог хүртэл ор сураггүй болсон талаар бид өмнө нь мэдээлсэн.

Сураггүй алга болоод зургаан сар болж буй охины талаар нутгийн иргэд олон таамаг дэвшүүлж байгаа аж. Зарим нь хүний наймааны золиос болсон гэж ярьдаг бол нөгөө хэсэг нь ойролцоох намагтай газар живсэн гэх яриа ч гарчээ. Одоогоор Хөвсгөл аймгийн цагдаагийн газраас сураггүй болсон охиныг эрэн хайх ажиллагааг нийт гурван удаа зохион байгуулсан ч сураг гаргаж чадаагүй хэвээр.

Ингээд ор сураггүй алга болсон охины талаар Хөвсгөл аймгийн Ренчинлхүмбэ сумын Засаг дарга Н.Батсуурьтай утсаар холбогдож мэдээлэл авлаа.

Н.БАТСУУРЬ: АЛГА БОЛСОН ОХИН СУМЫНХАА СУРГУУЛИЙН 6 ДУГААР АНГИД СУРДАГ БАЙСАН

-Ор сураггүй алга болсон охины талаар мэдээлэл авах гэсэн юм. Охин хэнтэйгээ амьдардаг байсан бэ?

-Алга болсон охин 15 настай байсан. Сумынхаа сургуулийн зургадугаар ангид сурдаг байсан. Охин өөрийн төрсөн ээж, эгч, эмээтэйгээ хамт амьдардаг. Харамсалтай нь өнгөрөгч оны наймдугаар сарын 07-ны өдөр хонио хариулж яваад ор сураггүй алга болсон юм. Охин тэр өдөр гэрээсээ дөрөв орчим км-ын зайд хонио хариулж байсан юм билээ. Тухайн мал хариулж байсан газар нь битүү ой тайгатай газар л даа.

-Охиныг эрэн хайх ажиллагаа одоо хүртэл үргэлжилж байгаа юу?

-Охиныг алга болсон даруйд сумын Засаг даргын тамгын газраас болон цагдаагийн газраас онцгой байдлын газарт мэдээлэл өгсөн. Өнгөрсөн хугацаанд нутгийн иргэд, төрийн албан хаагч, ар гэрийнхнээс нь бүрдсэн гурван баг нийлсэн 350 гаруй хүн эрэн хайх ажиллагаанд оролцсон. Эрэн хайх ажиллагааг алга болсон цэгийн эргэн тойронд 10 км-ын зайд долоон хоног нарийвчлан хайсан. Цагдаагийн байгууллагаас ойр орчмын бүх айл өрхөөс мэдүүлэг авч, эрэн сурвалжилсан. Одоо хүртэл цагдаагийн байгууллага эрэн хайх ажиллагааг үргэлжлүүлж байгаа. Өнөөдрийн хувьд надад эрлээр алга болсон эзэн холбогдогч нь олдсон гэх мэдээлэл ирээгүй байна.

-Эрэн хайх ажиллагааны явцад сэжигтэй эд зүйл олдоогүй юу?

-Тухайн үед долоо хоног нарийвчилсан эрэн хайх ажиллагааг зохион байгуулсан. Тэр үеэр гар утас, эмээл хазаар гэх мэт эд зүйл олдсон ч эзэд нь эдлэлээ таниад хүлээж авсан.

-Охины ээжийг сэтгэцийн өөрчлөлттэй гэсэн мэдээлэл байна. Энэ үнэн үү?

-Охины ээж 30 орчим настай. Харин эмээ нь 70 орчим настай буурай бий. Гэр бүл нь энэ нутагтаа үе удмаараа олон жил амьдарч байгаа. Ээжийнх нь хувьд эмнэлгийн албан ёсны дүгнэлт байхгүй ч сэтгэцийн өөрчлөлттэй бүсгүй байдаг.

Охин алга болохынхоо өмнөх өдөр малдаа яваад ирэхдээ чихэр печень авч ирсэн тухай мэдээлэл цацагдаад байна. Ийм мэдээлэл сонссон уу?

-Охин малдаа яваад ирэхдээ “Хүн чихэр өгсөн” гэж хэлсэн гэх нутгийн иргэдийн дунд яриа бий. Гэхдээ энэ мэдээлэл батлагдаагүй.

"Болор дуран"-аар шалгав.
Энэ мэдээнд өгөх таны сэтгэгдэл?
12
ХарамсалтайХарамсалтай
1
ХахаХаха
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

БӨӨ БАТАА 2019-02-21 103.240.240.73

ХӨДӨӨ СУРГУУЛЬ ЗАВСАРДСАН ХҮҮХЭД 15ТАЙ6Р АНГИД БАЙТУГАЙ БАЙДАГ Л ҮЭГДЭЛ ХАРИН ОЙД БҮГСЭН ОРГОДОЛ АВЧ ЯВААД АВГАЙГАА БОЛГООД ТАЙГЫН ДҮНЗЭН БАЙШИНДАА ОДОО ТОГООН ЧИНЭЭ ТОМ ГЭДЭСТЭЙ БАЙГАА БХИРЭХЭЭРЭЭ 5-6САРД ИРЖ БУУЖ ИРЭЭД ТӨРӨХ БАЙХАА ДАА

Avatar

БӨӨ БАТАА 2019-02-21 103.240.240.73

ХӨДӨӨ СУРГУУЛЬ ЗАВСАРДСАН ХҮҮХЭД 15ТАЙ6Р АНГИД БАЙТУГАЙ БАЙДАГ Л ҮЭГДЭЛ ХАРИН ОЙД БҮГСЭН ОРГОДОЛ АВЧ ЯВААД АВГАЙГАА БОЛГООД ТАЙГЫН ДҮНЗЭН БАЙШИНДАА ОДОО ТОГООН ЧИНЭЭ ТОМ ГЭДЭСТЭЙ БАЙГАА БХИРЭХЭЭРЭЭ 5-6САРД ИРЖ БУУЖ ИРЭЭД ТӨРӨХ БАЙХАА ДАА

Avatar

Зочин 2019-02-21 182.160.3.126

zun ch hun baihgui mungu oloh gesen luunuud harin baigaa

Avatar

йцу 2019-02-21 103.11.195.34

15-тай хүн 6-р анги байх уу Юу яриад байна аааа

Avatar

Зочин 2019-02-21 202.131.225.150

Амьд яваа бол одоо яахав дээ.

Avatar

zochin 2019-02-21 203.91.115.253

Охин хүүхдүүдийг барьж аваад алга болгодог этгээдүүд арай дэндэж байна

Avatar

иргэн 2019-02-21 202.179.26.7

өнөө Зөн билгийн тулаанд ороод байдаг Зөнч үзмэрчид хаачсан вэ Эд яагаад иймэрхүү зүйлсийг Хэл сургын гаргаж байгаа зүг чигийн хэлээд өгч чаддаггүй юм болоо эсвэл Оросын Зөн билгийн тулаан шиг цаанаасаа тавилттай нэвтрүүлэг юм бол уу

Avatar

Зочин 2019-02-21 103.229.121.232

тийм далдыг хардаг юм байхгүй гэдэгийг 21 р зуун болчихоод байхад итгээд юу хийнэ бэ.

NewsMN Гар утасны хувилбар Татах
NEWS.mn

Мэдээллийн эх сурвалж