Загвар зохион бүтээгч Stella McCartney “Лондон-2012” зуны XXX олимпийн
наадамд оролцох үндэсний шигшээ багийн тамирчдын хувцас, өмсгөл болон
хөгжөөн дэмжигчдийн хувцасны загварыг зохион бүтээхээр болжээ. Тэрбээр
олимп болон паралимпийн наадмын үеэр хэрэглэх бүхий л хувцас, өмсгөлийг
урлах бөгөөд шинэ ажлынхаа талаар “Британийн загвар зохион бүтээгчийн
хувьд энэ бол амьдралд ганц тохиох том боломж” гэжээ.
Өдгөө 38
настай McCartney дэлхийн загварын ертөнцөд байр сууриа баттай эзэлсэн
авьяаслаг дизайнер бөгөөд өмнө нь спорт хувцасны загвар гаргаж байсан
туршлагатай нэгэн гэнэ. Саяхан л гэхэд тэрбээр энэ жилийн “Уимбльдон”
тэмцээнд оролцсон тамирчдын хувцсыг бүтээсэн байна.

С.Цэлмэг