“KFC” түргэн хоолны газрын бүх салбарыг хаана | News.MN

“KFC” түргэн хоолны газрын бүх салбарыг хаана

“KFC” түргэн хоолны газрын бүх салбарыг хаана

“KFC” түргэн хоолны газрын бүх салбарыг хаана

Нийслэлийн удирдах ажилтны ээлжит шуурхай зөвлөгөөн өнөөдөр боллоо. Хуралдааны эхэнд өнгөрсөн зөвлөгөөнөөр нийслэлийн Засаг даргын өгсөн үүрэг даалгавар болон түүний биелэлтийн талаар НЗДТГ-ын Хяналт шинжилгээ, үнэлгээний хэлтсийн дарга Х.Гантулга танилцууллаа.

Цагдаагийн ерөнхий газрын дэд дарга бөгөөд Нийслэлийн цагдаагийн газрын дарга, цагдаагийн хурандаа Д.Ядамдорж “Өнгөрсөн 14 хоногийн хугацаанд гэмт хэрэг, зөрчил, зам тээврийн ослын шинжтэй 20808 дуудлага, мэдээлэл хүлээн авсан нь өмнөх 14  хоногтой харьцуулахад 3245 нэгж буюу 15.5 хувиар өссөн, гэмт хэргийн шинжтэй 606 үйлдэл бүртгэгдсэн нь 6 нэгж буюу 0.9 хувиар тус тус буурсан үзүүлэлттэй байна” гэж танилцуулав.

“Манай газарт энэ сарын 11-ний өдөр дуудлага ирж, 12-ний өдөр “Зайсан KFC” түргэн хоолны газрыг хаасан байгаа. Тус газарт хоёрдугаар сарын 8-15-ны өдрүүдэд хоол идсэн 116 хүнд ойр ойрхон усархаг гүйлгэх, зарим хүнд бөөлжих, халуурах зэрэг эмнэлзүйн ижил шинж тэмдэг илэрч ХӨСҮТ-д хэвтэн эмчлүүлж байгаа 37, гэрээр эмчийн зөвлөгөөний дагуу эмчлүүлж байгаа 79 хүнд хоолны хордлогот халдварын ижил эмнэлзүйн шинж тэмдэг илэрсэн. Манайхаас хяналт шалгалт хийж, 39 төрлийн хоолны дээж, 41 нэр төрлийн хүнсний түүхий эд бүтээгдэхүүн, ундны усны 2, агаарын 5 сорьц, 4 ундааны сорьц авч лабораторид нян судлалын шинжилгээнд хамруулсан. Мөн тус түргэн хоолны газрын нийт 28 ажиллагсдаас ХӨСҮТ-ийн тархвар судлаач эмч, лаборант нар тухайн ажлын байранд байрлан эрүүл мэндийн үзлэг хийж, нян тээгч илрүүлэх шулуун гэдэсний арчдасын сорьц авч шинжилгээнд хамруулаад байна. Шинжилгээний хариу гарсан. Ус болон бүтээгдэхүүнээс өвчин үүсгэгч илэрсэн. Мөн тус байгууллагын хоёр ажилтан цусан суулга өвчний халдвартай байсан нь илэрсэн. Эрүүл мэндийн үзлэгийн хуудсыг хуурамчаар үйлдсэн байсан. Өнөөдрөөс тус түргэн хоолны газрын бүх салбарыг хаахаар болсон. Мөн бүтээгдэхүүнийг устгах ажиллагаа явагдах болно” гэж Нийслэлийн Мэргэжлийн хяналтын газрын дарга Л.Эрдэнэчулуун ярилаа.

Гамшгаас хамгаалах иж бүрэн сургууль зохион байгуулахтай холбогдуулан Нийслэлийн онцгой байдлын газрын дэд дарга, хошууч Б.Мягмардорж мэдээлэл хийлээ. Тэрбээр зохион байгуулалт болон анхаарах асуудлаар дэлгэрэнгүй мэдээлэл өгсөн юм.

Зөвлөгөөний төгсгөлд Нийслэлийн Засаг дарга бөгөөд Улаанбаатар хотын Захирагчийн үүргийн түр орлон гүйцэтгэгч Ж.Батбаясгалан “Нийслэлийн нутгийн захиргааны байгууллагуудын бүх албан тушаалтан Гамшгаас хамгаалах иж бүрэн сургуулийг чиг үүргийнхээ дагуу зохион байгуулж, идэвхтэй оролцох ёстой” гээд “Монгол Улсын Засгийн газрын 2016 оны 193 дугаар тогтоолын дагуу Төрийн болон орон нутгийн өмчийн үл хөдлөх хөрөнгийг дахин үнэлэх, төрийн болон орон нутгийн өмчит хуулийн этгээдийн газар эзэмших, ашиглах эрхийг үнэлэх ажлыг эрчимжүүлж дуусгах, 2019 онд Төсвийн ерөнхийлөн захирагч, төсвийн шууд захирагчтай байгуулах Гүйцэтгэл, төлөвлөгөөний гэрээ байгуулах бэлтгэл ажлыг хангах, Замын хөдөлгөөний аюулгүй байдлыг хангаж, замын хөдөлгөөний ачаалал ихтэй уулзваруудад нэмэлтээр зохицуулагч ажиллуулах, дугаар хязгаарлалт болон замын хөдөлгөөний хяналтыг чангатгаж ажиллах, Үерийн хамгаалалтын барилга байгууламж, далан сувагт хамгаалалтын хайс, хашлага, тэмдэг тэмдэглэгээг хийх, бүртгэлжүүлэх, далан сувгийн цэвэрлэгээний ажлыг зохион байгуулах, Нийслэлийн Засаг даргын 2018 оны “Явган хүний зам, талбайг нэмэгдүүлэх талаар авах зарим арга хэмжээний тухай” А/809 дүгээр захирамжийн хэрэгжилтийг хангах, тус арга хэмжээг үргэлжлүүлэн зохион байгуулж, явган зорчигчийн хөдөлгөөнд саад учруулж байгаа зөрчлийг арилгах зохион байгуулалтын арга хэмжээг авч ажиллах”-ыг холбогдох албан тушаалтнуудад үүрэг болгов гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

"Болор дуран"-аар шалгав.
Энэ мэдээнд өгөх таны сэтгэгдэл?
7
ГайхмаарГайхмаар
5
ХарамсалтайХарамсалтай
4
БурууБуруу
3
ЗөвЗөв
1
ХахаХаха
1
ХөөрхөнХөөрхөн
1
ТэнэглэлТэнэглэл
Баярлалаа!

Холбоотой мэдээ

30 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-02-18 64.119.22.232

дотор нь ажиллаж байгаа хүмүүс хортой тахианаасаа идчихсэн байна

Avatar

Haaya 2019-02-18 103.229.120.201

Ulsiin hilee haaya aa

Avatar

kfc forever 2019-02-18 202.126.89.209

bitgilde kfc idmer bn :(

Avatar

Зочин 2019-02-18 133.95.3.248

Бусад орнуудад зүгээр л байдаг. Монголчууд л ажиллахаараа өөрөө өөрсдийгөө хорлоод байгаа юм биш үү? Дутагдал Монголд!!

Avatar

Зочин 2019-02-18 202.55.188.35

Хувийн хэвшлийн аж ахуйн нэгжүүдийн үйл ажиллагааны чанар стандарт аюулгүй байдалд хяналт тавьдаг зөвөлгөө өгч ийм нөхцөл байдал үүсэхээс урьдчилаг снргийлж ажиллах ёстой төрийн байгууллагуудын үүрэг оролцоог сайжруулах,хувийн хэвшлийн байгууллагууд өөрсдөө хэт ашгийн хойноос хөөцөлдөхөө багасгах, чанар стандарт аюулгүй байдалдаа анхаарч хөрөнгө мөнгө зарцуулах, хоол үйлдвэрлэлийн болон бусад үйл ажиллагааныхаа аюулгүй байдал хамгаалалтанд онцгой анхаарах шаардлагатай байна.

Avatar

Zochin 2019-02-18 202.55.188.35

Мэдээж иргэд өвдөж хохирсон тул хохирлыг барагдуулах ёстой. Хариуцлага алдсан хүмүүст хариуцлага тооцох ёстой. Зөрчил дутагдлыг засаж арилгаад дахин ийм алдаа гаргахгүй тал дээр төр хувийн хэвшил хамтрах ёстой. Түүнээс биш юм л болгон хаана өооно гэж яривал энэ улс чинь яаж хөгжих юм бэ.

Avatar

Зочин 2019-02-18 150.129.142.53

Яагаад бүх салбараас нь нэгэн зэрэг дээж авч шинжилэхгүй,зөвхөн нэг салбарын 2 ажилчныг буруутгах сценариар яваад байна аа?

Avatar

Зочин 2019-02-18 202.21.127.161

Жижиг хоол цайны газрууд ч ялгаагүй. Ямар түүхий эдээр хоол бэлдэж байгаа нь тодорхойгүй. Өнгөрсөн 7 хоногт л гэхэдэ МУИС-ийн ойролцоо байх Идэр зоогт ороход цагаан сарын ууц, өвчүүний махаар хийсэн хоолоор үйлчилсэн. Хэзээ ч дахин орж үйлчлүүлэхгүй ээ.

Avatar

Hvn 2019-02-18 182.160.35.197

Araichdee

Avatar

Зочин 2019-02-18 202.126.89.174

Bi KFC barag idedgui. Thde mongoliin busad guanz hoolnii gazaruudiin standart KFC iin 5%d ch hurehgui udur bur guanz tsainii gazar gej gazar hor idej bgaashu de.

Avatar

Зочин 2019-02-18 112.72.11.121

Өө юун ч нэрэлхүү юмб дээ. Аль тааралдсан хоолыг хусж байгаа даа.

Avatar

. 2019-02-18 103.10.21.114

5% yaaj medeh bga malaa

Avatar

Муухай генийн өөрчлөлттэй тахиагаар хордуулахаа БОЛИОЧЭЭ 2019-02-18 66.181.183.40

KFC-г ХААХ НЬ ЗӨВ

Avatar

Сбд алтай 2019-02-18 59.153.113.83

Хашаануудыг татан буулга аот өөрийн хажуу талбайгаас эхэл хашаагаа буулга явган хүний зам гаргө хотын захиргаа гэдэг газар луу орох нь ммь дүйсэнтэй алилхан шүү

Avatar

Зочин 2019-02-18 66.181.161.101

KFC-ийн хоолнуудын чанар нэг л сонин болчихсон байсан юмаа. Анхнаасаа ямар байсан яг тэр чанараа хадгалаад л явах хэрэгтэй ш дээ. Даанч монголчууд эхлэхдээ сайн байгаад л явцдаа муудсаар муудсаар чанаргүй болчих юмаа. Ингэхээр чинь яаж хөгжих вэ дээ.

Avatar

Зочин 2019-02-18 202.179.30.194

Зөв зөв байлдах чадалгүй хэдэн гомоо эрчүүдтэй болохоосоо өмнө хаасан нь дээ

Avatar

Зочин 2019-02-18 112.72.11.121

Яг үнэн юун байлдах, хүүхэн мордож чадахгүй эрчүүдтэй болвол яана.

Avatar

Зочин 2019-02-18 112.72.6.50

тэгвэл KFC иддэгүйнүүд нь жаргачихийм байна л даа кккк

Avatar

Зочин 2019-02-18 66.181.160.45

Suljee hoolni gazar blh shulunduug mun sjalgah heregtei

Avatar

зочин 2019-02-18 202.21.127.169

Яаралтай бүгдийг нь бүрмөсөн хаах хэрэгтэй.

Avatar

иргэн 2019-02-18 103.26.193.208

Хаах нь зөв.

Avatar

Төртэй байна 2019-02-18 112.72.11.110

Төр нэг ингэж ажилоах ёстой . Одоо баатарсайханыг шалгах хэрэгтэй. Burger King шалгаж хаах хэрэгтэй

Avatar

Зочин 2019-02-18 202.21.106.151

Mulgui ard tumen shuu. Huurhii doo...

Avatar

Зочин 2019-02-18 202.9.44.133

Нийтэд үйлчилж байгаа ялангуяа хоолны газрууд бүх бүтээгдэхүүндээ шинжилгээ хийлгэж байх хэрэгтэй KFC Хятадаас оруулж ирсэн тахианы махны маханд хэн гэдэг гаалийн байцаагч, хилийн хорио цээрийн байцаагч оруулж ирэхийг зөвшөөрсөн бол түүнтэй хариуцлага тооцох хэрэгтэй

Avatar

Зочин 2019-02-18 122.201.22.100

За тэгж байгаад авилга аваад л нээнэ дээ. Хаавал хаасан шиг л хаагаарай даа.

Avatar

Монгол 2019-02-18 202.21.124.130

Хаагаад мөнгөө төлсний дараа дараа нээнэ

Avatar

Зочин 2019-02-18 103.229.123.133

Mergejliin hyanaltiihnii hiih ajil shuudee. Tavan bogd dotood hyanalt ersdliin management mash muu bna. KFC bol sain brend mongol ulsad heregtei l bsan yum da.

Avatar

Зочин 2019-02-18 66.181.178.181

hogiin kfc eer yadiin, andaa.

Avatar

Зочин 2019-02-18 202.21.111.19

Durgui bol idekhgui l baina biz. hund yamar hool idekhiig zaah geed baigaa yum uu.

Avatar

хэ 2019-02-18 124.158.88.12

Сайн байна. KFC сүлжээг нэг мөсөн Монголоос хөөн гаргах хэрэгтэй. Таван богд бүх хариуцлагаа хүлээх ёстой.

NewsMN Гар утасны хувилбар Татах
NEWS.mn

Мэдээллийн эх сурвалж