Ховд аймгийн Мянгад сумын Баянхошуу багт амьдардаг зургаан настай хүү /2019.02.13/  алга болсон тухай бид өмнө нь мэдээлсэн.

Онцгой байдлын ерөнхий газраас мэдээлж буйгаар зургаан настай хүү энэ сарын 13-ны 16.55 цагийн орчимд Ховд голд осолджээ. Тус аймгийн Онцгой байдлын газарт ослын тухай дуудлага 17.05  цагт ирсэн бөгөөд аврах ангийн 21 алба хаагч хэргийн газарт очиж ажиллажээ.

Албан хаагчдаас гадна аймгийн Засаг даргын Тамгын газрын 58 ажилтан, зургаан автомашин, ар гэрийн найман хүн, нийт 87 хүн, найман техник хэрэгсэлтэйгээр энэ сарын 15-ны өдөр Ховд голын мөсөнд 190 метр урт, 20 метрийн өргөнтэй өрх гаргаж, голын урсгалын дагуу эрэн хайх ажиллагаа зохион байгуулсан байна.

Эрэн хайх ажиллагааг энэ сарын 16-ны бямба гаригийн 08.30 цагт дахин эхлүүлжээ.