Ховд аймаг гадаад харилцаагаа өргөжүүлж, АНУ-ын Калифорни мужийн Боррего Спрингс хоттой түншлэлийн харилцаа тогтоож, Сан Диэго хотын ИТХ-ын дарга Боррего Спрингс хотын төлөөлөгч Жим Десмондтой өнгөрсөн баасан гаригт гэрээнд гарын үсэг зуржээ.

Ийнхүү түншлэлийн харилцаа тогтоосноор тус аймаг, Боррего Спрингс хотын хооронд соёл боловсрол, аялал жуулчлал, худалдаа ЭЗ-ийн хамтын ажиллагааг өргөжүүлэн хөгжүүлэх өргөн боломж бүрдэж буй юм байна.

Ховд аймгийн Засаг дарга Б.Дүгэржав “Энэхүү харилцааг бий болгоход гүн туслалцаа үзүүлсэн Монгол Улсаас Сан Франциско хотод суугаа ерөнхий консул Э.Галбадрал болон консулын газрын хамт олонд ховдчуудынхаа нэрийн өмнөөс чин сэтгэлийн талархал илэрхийлье” гэжээ.

Б.ЖАРГАЛ