Улаанбаатар хотын аялалын автобус энэ амралтын өдрүүдээр иргэдэд үнэ төлбөргүй үйлчилэхээр болжээ. Учир нь “Улаанбаатарын өвлийн наадам” Богд Хан уулын үзэсгэлэнт Хүрхрээгийн аманд болох юм. Тус наадмыг жил бүрийн хоёрдугаар сарын эхний долоо хоногийн амралтын өдрүүдэд уламжлал болгон зохион байгуулдаг уламжлалтай. Улаанбаатарын өвлийн наадам нь гадаад дотоодын жуулчдад Монголынхоо ёс заншил, өв уламжлал, үндэсний тоглоом наадгай, соёлыг сурталчлан таниулах, шинэ тутам хөгжиж буй нийтийн биеийн тамир, спорт, аяллын төрлүүдийг ард иргэдэд сурталчлах ач холбогдолтой.

Хотын аяллын автобус энэ бямба, ням гариг жанжин Д.Сүхбаатарын талбайгаас “Скай резорт” цогцолбор чиглэлд 11:00, 13:00, 15:00, 17:00 цагт, “Скай резорт” цогцолбороос жанжин Д.Сүхбаатарын талбай руу 12:00, 14:00, 16:00, 19:30 цагуудад иргэдэд үнэ төлбөргүй үйлчилэх юм байна.