ОХУ-ын Красноярск хотод болох Дэлхийн оюутны өвлийн Универсиад XXIX наадам эхлэхэд 14 хоногийн хугацаа үлдлээ. Монгол Улсаас энэ удаагийн наадамд цана, шорт-трейк, уран гулгалт, фристайл  болон цанын орон зай баримжаалах буюу оринтерин гэсэн таван төрөлд нийт 13 тамирчин өрсөлдөхөөр болжээ. Энэ удаагийн багийн бүрэлдэхүүнд уран гулгалтын тамирчин Г.Марал-Эрдэнэ багтлаа. Тэрбээр Монгол Улсаас анх удаа уран гулгалтын төрлөөр дэлхийн томоохон тэмцээнд оролцох болж байна.

Г.Марал-Эрдэнэ Япон улсад суралцдаг бөгөөд Козука Сачико дасгалжуулагчийн удирдлагад бэлтгэлээ хийж байна.

Красноярск хотод Дэлхийн оюутны өвлийн Универсиад XXIX наадам ирэх гуравдугаар сарын 2-12-ны өдрүүдэд болно.