Гадаадад эмчилдэг 14 өвчнийг эх орондоо эмчилдэг боллоо | News.MN

Гадаадад эмчилдэг 14 өвчнийг эх орондоо эмчилдэг боллоо

Гадаадад эмчилдэг 14 өвчнийг эх орондоо эмчилдэг боллоо

Гадаадад эмчилдэг 14 өвчнийг эх орондоо эмчилдэг боллоо

“Инээмсэглэл-Эерэг хандлага” 2019 эрүүл мэндийн салбарын удирдах ажилтны улсын зөвлөгөөн  өнөөдөр /2019.2.14/ эхэллээ. Хоёр өдөр үргэлжлэх уг зөвлөгөөнд ЭМЯ-ны 50 гаруй байгууллагын 170 гаруй удирдах албан тушаалтнууд  оролцон ажлаа тайлагнаж, алдаа оноогоо хэлэлцэж байна.

Эрүүн  мэндийн салбар өнгөрсөн онд дараах зүйлсийг амжилттай гүйцэтгэжээ.

Эрүүл мэндийн ажилтныг мэргэжлийн ур чадвар, хариуцлага, хөдөлмөрийн нөхцлийг харгалзан ажлын байрны үнэлгээнд суурилсан цалингийн тогтолцоог нэвтрүүлж сувилагчийн цалингийн хэмжээг 127.0 мянгаас 183.0 мянган төгрөг буюу 20-30 хувиар нэмэгдүүлж, цалингийн ангилал, зэрэглэлийг 1-2 шатлалаар ахиулжээ.

Гадаад улсад зайлшгүй шаардлагаар эмчлүүлдэг байсан 14 өвчнийг эх орондоо оношилж, эмчилдэг болж, 25 хүнд бөөр, 31 хүнд элэг, долоон хүнд ясны чөмөг, 15 хүнд нүдний эвэрлэг, 100 гаруй хүнд арьс нөхөх, шилжүүлэн суулгах мэс заслыг амжилттай хийжээ.

Түүнчлэн улсын төсвийн санхүүжилтээр 163, бусад улсын Засгийн газрын санхүүжилтээр 90, нийт 253 эрүүл мэндийн ажилтны мэдлэг, чадварыг дээшлүүлэх зорилгоор гадаад, дотоодод сургалтанд хамруулсан байна.

Эрүүл мэндийн даатгалын сангаас үнийн хөнгөлөлт үзүүлэх зайлшгүй шаардлагатай эмийн нэр төрөл, үнийн дээд хязгаар, хөнгөлөх хэмжээ”-г шинэчлэн  жор бичих эрх бүхий эмч, эмийн сан, даатгуулагч, даатгалын байгууллагын үйл ажиллагаанд цахим жорын тогтолцоог нэвтрүүлжээ.

Мөн 2018 онд үндэсний хэмжээнд 18-аас дээш насны иргэдийн нас, эрүүл мэндийн эрсдэлд үндэслэн зонхилон тохиолдох зүрх судас, хавдар, сүрьеэ, БЗДХ-ыг эрт илрүүлэх, урьдчилан сэргийлэх үзлэгийг Эрүүл мэндийн даатгалын сангаас санхүүжүүлэн зохион байгуулж, нийт  52363 хүнийг хамруулжээ.

Түүнчлэн, “Элэг бүтэн Монгол” үндэсний хөтөлбөрийн хоёр дахь үе шатыг хэрэгжүүлэн 13.9 тэрбум төгрөгийг эрүүл мэндийн даатгалын сангаас зарцуулж нийт 413 553 хүн үзлэг, шинжилгээнд хамрагдан, 20 гаруй мянган хүн вирусийн ачаалал тоолох шинжилгээ хийлгэж, 3455 хүн вирусийн эсрэг  эмчилгээнд оруулсан зэргээр дээрх зорилтуудыг бүрэн хангаж ажилласан байна.

Харин эрүүл мэндийн салбар 2019 онд “Инээмсэглэл –Эерэг хандлага” уриа дэвшүүлэн ажиллах болсныг зарлалаа.

Эрүүл мэндийн тусламж, үйлчилгээ үзүүлэхдээ  эмнэлгиийн ажилтны ёс зүйг чандлан сахиж “Эмнэлгийн ажилтан – үйлчлүүлэгч – ар гэр”  гэсэн гурван талт харилцааг дээдэлж, бие, биедээ хүндэтгэлтэй, халуун сэтгэлээр хандаж ажиллахыг уриалсан юм.

"Болор дуран"-аар шалгав.
Энэ мэдээнд өгөх таны сэтгэгдэл?
1
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

NORA 2019-02-14 95.160.148.86

2019 ony uria ih taalagdaj baina.Emch humuus hunii setgeliig davhar emchildeg baih yostoi yum shuu. Ineemseglel yamarch hund taatai setgel turuulg humuusiin hoorond neelttei hariltsaa togtoohod tusaldag gaihaltai id shidtei zuil yum

Avatar

Зочин 2019-02-14 64.119.19.172

Толгой сайнтай, авьяаслаг, хөдөлмөрч хичээнгүй залуу эмч нарыг Япон, Тайланд, АНУ, Герман г.м. улсад сургаж, боловсрол дээшлүүлж (Засгаас санхүүжүүлж!) анагаахын боловсон хүчнээ орчин үежүүлэх хэрэгтэй байна!!!!

Avatar

Мэс заслын эмчилгээний үр дүн? 2019-02-14 103.14.38.137

Үр дүн ямар бна? Хэдэн хүн нь хэдэн жил амьд явж бн, хэд хүн бүрэн эдгэсэн бэ? Хавдрын эмнэлэгт эмчилээд л байгаа гэх боловч яг эмчилгээний дараа хэдэн хүн эдгэж, эмчлэгдсэн, хэдэн хүн хорвоог орхивоо? Өвчтөнд , түүний ар гэрийнхэнд маш их эдийн засгийн дарамт, сэтгэл санааны хүнд байдал бий болж байж мэс засалд ороод гол нь гарсан үр дүн хэрэгтэй бна.

Avatar

denduu um 2019-02-14 66.181.183.182

huuchin hiij baisan ajiluudl bn heterhii hudalch umaa

Avatar

Zochin 2019-02-14 37.164.75.110

Hudlaa shaagaarai buged tsuurhal

NewsMN Гар утасны хувилбар Татах
NEWS.mn

Мэдээллийн эх сурвалж