Нийслэлийн эрүүгийн хэргийн давж заалдах шатны шүүхийн нэгдүгээр танхимд өнөөдөр /2019.02.14/ Б.Жавхлан, М.Амарболд нарт холбогдох шүүх хурал товлогдсон байсан ч хойшиллоо. Шүүгдэгч нарын өмгөөлөгч эрүүл мэндийн шалтгаанаар шүүх хуралд оролцох боломжгүй байна гэсэн үндэслэлээр энэ сарын 21-н хүртэл хойшлов.

“Очир” төвд онц хэрцгийгээр амиа алдсан 13 настай охины хэрэгт холбогдуулан гурван сарын өмнө Б.Жавхлан, М.Амарболд нарт бүх насаар нь хорих ял оноосон юм.

Яллагдагчид шүүхийн дээрх шийдвэрийг эсэргүүцэн давж заалдахаар болж, өнөөдөр энэхүү хурал нь товлогдоод байсан билээ.

Э.АРИУН