С.Чинзориг: Автомашин засварын чиглэлээр гаднаас ажиллах хүч авахгүй | News.MN

С.Чинзориг: Автомашин засварын чиглэлээр гаднаас ажиллах хүч авахгүй

С.Чинзориг: Автомашин засварын чиглэлээр гаднаас ажиллах хүч авахгүй

С.Чинзориг: Автомашин засварын чиглэлээр гаднаас ажиллах хүч авахгүй

Монгол Улсад төрийн болон төрийн бус өмчийн 83 сургалт, үйлдвэрлэлийн төв, политехник коллеж бий. Эдгээрт 37  мянга гаруй оюутан суралцаж байна. МСҮТ, политехникийн коллеж төгссөн мэргэжилтэй боловсон хүчний 50 гаруй хувь нь сургуулиа төгссөн даруйдаа ажлын байртай болдгоороо давуу талтай. Мэргэжлийн боловсрол сургалтын байгууллагын удирдах ажилтнуудын зөвлөгөөн өнөөдөр /2019.2.14/ болж, салбарт тулгамдаж буй асуудал, гарц хийдэл, шинээр хэрэгжүүлэх зүйлсийн талаар ярилцаж байна.

Энэ үеэр Хөдөлмөр, нийгмийн хамгааллын сайд С.Чинзоригоос дараах зүйлийг тодрууллаа.

-Мэргэжлийн боловсрол, сургалтын байгууллагад гарч буй өөрчлөлтийн талаар мэдээлэл өгөхгүй юу?

-МСҮТ, политехник коллежийн багш, албан хаагчдад цалингийн таван хувийн урамшуулал олгож байсныг 10 хувь болгосон.

МСҮТ, Политехникийн коллежийн багш, ажилчдын цалин дээр гурван удаа ажилласны дүнд 30.8  хувиар нэмэгдсэн.

Мэргэжлийн боловсрол, сургалтын байгууллагын багш нарыг компьютержүүлэх хүрээнд хоёр тэрбум төгтөгийн санхүүжилт шийдвэрлэн, тендер зарлан сонгон шалгаруулахаар ажиллаж байна.

Мэргэжлийн боловсрол, сургалтын байгууллагад суралцаж буй оюутнуудад сар бүр 100 мянган төгрөгийн тэтгэлэг олгохоор болсон. Өмнөх Засгийн газрын үед 24 хүртэлх насныханд олгож байсан тэтгэлгээс ялгаатай нь нас харгалзахгүй.

-Тэтгэлгийг дүнгийн голч харгалзахгүй олгох уу?

-Мэргэжлийн боловсрол, сургалтын байгууллагад босго оноо тогтооход хүндрэлтэй айдаг. Тиймээс энэ удаад дүн харгалзахгүй. Гэхдээ ирцээр босго тогтоож байгаа. Ирц 75 хувиас дээш байвал тэтгэлэг олгоно. Тэтгэлгийг сургуулиар дамжуулалгүй ХААН болон төртийн банкаар дамжуулан олгоно.

-Монгол Улс гаднын орноос хэчнээн ажиллах хүч авч ажиллуулдаг вэ?

-Монгол Улс 2000 оны үед 24 мянга орчим хүн гаднаас авч ажиллуулдаг байсан. Сүүлийн жилд энэ тоо нэлээд буурсан. Тухайлбал, 2018 онд 8000 ажиллах хүчнийг гаднаас авсан. Энэ нь 2016 оноос 40 хувь, 2017 оноос 23 хувиар буурсан үзүүлэлт. Харин 2019 онд гаднаас авах ажиллах хүчний тоог 20 хувиар бууруулна. Ингэж чадвал Засгийн газрын мөрийн хөтөлбөрт туссан гаднаас авах ажиллах хүчнийг 50 хувиар бууруулах зорилтоо хангах юм. Ингэснээр гаднаас авах ажиллах хүчнийхээ оронд Монгол хүн ажиллана.

-Ихэвчлэн ямар ажлын байранд гаднаас хүч авдаг вэ?

-Барилга, зам, уул уурхайн салбарт гаднаас хүч авч ажиллаж байгаа. Дотоодын бэлтгэж, ур чадвар эзэмшүүлж чадаж байгаа салбарт гаднаас ажиллах хүч авахгүй. Тухайлбал, 2019 онд автомашин засварын чиглэлээр гаднаас ажиллах хүч авахгүй. Автомашин засварын ажлыг Монголчууд өөрсдөө шийдэх бүрэн боломжтой.

-Харин гаднын оронд хэчнээн ажиллах хүч илгээж байна вэ?

-Дотоодод ажлын байр хомс байх үед бид гадагш ажиллах хүч илгээдэг. Эдийн засаг өсөлттэй байгаа, дотоодод ажлын байр гарч байгаа үед өндөр ур чадвар эзэмшүүлэх зорилгоор ажиллах хүчнээ гадагш явуулах зорилго тавин ажиллаж байна.

-Мэргэжлийн боловсрол, сургалтын байгууллагын оюутнуудыг чадваржуулахаар гаднын оронд сургах чиглэлд ямар бодлого баримталж байна вэ?

-Мэргэжлийн боловсрол, сургалтын байгууллагад суралцаж байгаа, төгссөн оюутнуудын гадаадад ажиллах боломжийг хангах бодлоготой байдаг. Тэр дундаа Япон руу ажиллах хүчин чадваржуулахаар нэлээд ажилладаг.

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
2
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-02-14 91.65.30.101

UIH-iin songuuld ner devshigchdiig ERVVL mendiin vzlegt hariutslagataihan hamruulj baiyaaaaa, Ene nuhur, Batzandan, Oyun-Erdene ntr iin nvdiig harahad\nneeg ih coo ervvl uls bish l sanagdaad baidagiimdaa!!!!!!

Avatar

Зочин 2019-02-14 43.228.131.45

Одоо энд байгаа Выетнам иргэдийг яаралтай гаргах хэрэгтэй?? Тэд баар цэнгээн шөнийн донтох бүх төрлийн ажлуудыг хийж байна

Avatar

Зочин 2019-02-14 112.72.8.90

энэ их авто ослын дүн хохирсон, үрэгдсэн иргэдийн тоонд зөвхөн сайд биш төр засаг онцгой хүлээж аваарай. Одоо жолооны хүрд солих боловсон хүчин техник хэрэгслийг бэлдэх ажлыг хий иргэдийн энэ их хөрөнгийг нь устгуулалтай биш засварын газруудад байршил мэрэгжлийн удирдлагад аттестатчлал явуулах хэрэгтэй олон сургууль хэрэггүй дээ зах зээл дээр нь 3 сар бэлтгэх д л болно доо гэсэн төсөөлөл орж ирлээ

Avatar

Зочин 2019-02-14 112.72.8.90

манай улсад автомашин засварын чиглэлээр оношлогооны засварчид кузов засварчдын хэрэгцээ нилээд б гаа. хэрэгцээ байгаагаас зах зээлийг вьетнамчууд өөрийн чадвараар эзэлсэн байдаг манайхан хариуцлага, чадвар маш муутай нөгөө л муу муухай зан төлөвөө бүгдийг дэс дараалан гаргадагаас үйлчлүүлэгчид залхсан тэгээд л зах зээлээ алдсан одоо вьетнамуудыг сошилаар их муулдаг зарим талаар ортой л байх ямар тэр холоос шилдгүүд нь ирэх биш дээ. гэхдээ бид ямар байнав тэд тийм л байна.

Avatar

Кузов засвар 2019-02-14 80.110.92.19

Гадаадаас ажиллах хүч авдаг автомашины засварын чиглэлээр ажиллая гээд хүсэлт гаргаад байхад дэмжэхгүй байна шдээ.Энэ талаар судалгаа хийж хийж төсөл бичээд ч ойлгох хүн алга . Сайд нь нэг иймэрхүү юм яриад байдаг яг ажил хэрэг болгох гэхээр мэддэг дэмждэг байгуулага байхгүй ам ажил зөрөөд байгаа юм бишүү. Танай яам руу хандсан сайт майт нь ажилладаг хариу өгдөг юм байна уу

Avatar

Зочин 2019-02-14 103.26.195.220

Зарим МСҮТөвийг татан буулгахгүй бол 30 хүрэхгүй хүүхэдтэй тэгээд хуурамч тоо бүрдүүлж төсөв авдаг явдал бна үүнийг шалгаж чанартай цөөхөн сургуультай болгоно уу?

NewsMN Гар утасны хувилбар Татах
NEWS.mn

Мэдээллийн эх сурвалж