Бямба гаригаас хүйтний эрч суларна | News.MN

Бямба гаригаас хүйтний эрч суларна

Бямба гаригаас хүйтний эрч суларна

Бямба гаригаас хүйтний эрч суларна

Ойрын өдрүүдэд ихэнх нутгаар цаг агаар тогтуун, өдөртөө хүйтний эрч суларна гэr Цаг уур, орчны шинжилгээний газраас мэдээллээ.

БАРУУН АЙМГУУДЫН НУТГААР: Хоёрдугаар сарын 14-нд зарим газраар бага зэргийн цас орж, цасан шуурга шуурна. Бусад хугацаанд цас орохгүй.

Увс нуур, Идэр, Тэс, Завхан голын эхээр шөнөдөө 39-44 градус, өдөртөө 27-32 градус, Их нууруудын хотгор болон Алтай, Хангайн уулархаг нутгаар шөнөдөө 33-38 градус, өдөртөө 21-26 градус, Алтайн өвөр говиор шөнөдөө 19-24 градус, өдөртөө 8-13 градус, бусад нутгаар шөнөдөө 26-31 градус, өдөртөө 14-19 градус хүйтэн байх аж. Хүйтний эрч 15-наас  сулрана.

ТӨВИЙН АЙМГУУДЫН НУТГААР: Хоёрудгаар сарын 14-нд Хангайн уулархаг нутгаар бага зэргийн цас орж, цасан шуурга шуурна. Бусад хугацаанд цас орохгүй.

Дархадын хотгороор шөнөдөө 37-42 градус, өдөртөө 26-31 градус, Хөвсгөл, Хангай, Хэнтэйн уулархаг нутаг, Орхон-Сэлэнгийн сав газар, Хараа, Ерөө, Туул, Тэрэлж голын хөндийгөөр шөнөдөө 35-40 градус, өдөртөө 21-26 градус, бусад нутгаар шөнөдөө 25-30 градус, өдөртөө 17-22 градус хүйтэн байна. 16-наас хүйтний эрч суларна.

ЗҮҮН АЙМГУУДЫН НУТГААР: Хоёрдугаар сарын 14-нд зарим газраар цас орж, цасан шуурга шуурна. Бусад хугацаанд цас орохгүй. Хэрлэн, Онон, Улз, Халх голын хөндий болон Дарьгангын тал нутгаар шөнөдөө 31-36 градус, өдөртөө 18-23 градус, бусад нутгаар шөнөдөө 25-30 градус, өдөртөө 15-20 градус хүйтэн байна.  16-наас хүйтний эрч суларна.

ГОВИЙН АЙМГУУДЫН НУТГААР: Хоёрдугаар сарын 14-нд ихэнх нутгаар цас орж, салхи 12-14 м/с хүрч цасан шуурга шуурна. Өмнөговийн нутгаар шөнөдөө 18-23 градус, өдөртөө 13-18 градус, бусад нутгаар шөнөдөө 24-29 градус, өдөртөө 14-19 градус хүйтэн байна. 16-наас хүйтний эрч суларна.

Улаанбаатар хотод энэ долоо хоногийн сүүлчээр хүйтний эрч суларч өдөртөө 8-9, шөнөдөө 19-20 градус хүйтэн байх ажээ.

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж