Уран бүтээлч Л.Мянганцэцэгийн "Зүрхний хэргүүд…" уран бүтээлийн бие даасан үзэсгэлэн "Улаан гэр" арт галерейн үзэсгэлэнгийн танхимд болж байна. Үзэсгэлэн  2015 оны дөрөвдүгээр сарын 3-ны өдөр нээлтээ хийсэн ба  дөрөвдүгээр сарын 11-ны өдөр хүртэл үргэлжилнэ.

Тус үзэсгэлэн нь Л.Мянганцэцэгийн анхны бие даасан үзэсгэлэн бөгөөд үзэсгэлэнд нийт 13 ширхэг зураг, нэг ширхэг инстолляц тавигдсан байна. Мөн "Зүрхний зураг" нэртэй өөрийн бичсэн нийт 200 гаруй шүлгээс бүтсэн шүлгийн түүвэр номны нээлтийг үзэсгэлэнгийн нээлтийн өдөр хамт хийсэн байна. Үзэсгэлэнд тавгдсан бүтээлүүд "Зүрхний хэргүүд" номонд бичигдсэн шүлгүүдэд зориулагдан зурагдсан бөгөөд холимог техникийн аргаар бүтээлүүдээ туурвисан байна.

"Зүрхний хэргүүд…" үзэсгэлэн гарах хугацаанд үзэсгэлэнгин ерөнхий санаа агуулгатай холбоотой үнэ төлбөргүй лекцийг зохион байгуулж байна.

* 2015 оны дөрөвдүгээр сарын 6-ны өдөр "MLC TRAINING" ХХК-ийн гүйцэтгэх захирал С.Баатарсүрэн Манлайлал ба өөрийгөө удирдахуй сэдвээр

* 2015 оны дөрөвдүгээр сарын 8-ний өдөр ХНСҮХ-ийн тэргүүн Г.Тэгшбүрэн

* 2015 оны дөрөвдүгээр сарын 10-ны өдөр Телевизүүдийн холбооны гүйцэтгэх захирал   Н.Цогжавхлан нар тус тус лекц уншина.

Б.БИЛГЭЭ