Олон улсын үнэлгээний Moody’s агентлаг ОХУ-ын зэрэглэлийг Ваа3-аас Ва1 болгон дээшлүүлжээ. Ийнхүү зэрэглэл дээшилсэн нь 2014 оноос хойш Оросын санхүү, эдийн засгийн үзүүлэлтүүд сайжирсантай холбоотой хэмээн Г.В.Плехановын нэрэмжит Эдийн засгийн Их сургуулийн Эдийн засгийн онолын кафедрийн доцент Олег Чередниченко үзэж байгаагаа РИА Новости агентлагт ярьсан байна.

Moody’s агентлаг ОХУ-ын чансааг дээшлүүлснээр дэлхийд хүлээн зөвшөөрөгдсөн үнэлгээний гурван агентлаг ОХУ-д хөрөнгө оруулахад таатай гэсэн үнэлгээ өгсөн хэрэг боллоо. Өнгөрсөн нэгдүгээр сард Fitch болон S&P агентлаг аль аль нь Оросын зэрэглэлийг BBB- буюу тогтвортой хэмээн зарласан.

АНУ тэргүүтэй барууны орнуудын зүгээс Орост тавьсан эдийн засгийн хориг үргэлжилсээр байгаа ч ийнхүү үнэлгээ өсч байгаа маш чухал гэдгийг Олег Чередниченко онцоллоо.

Эх сурвалж: РИА НОВОСТИ