УИХ-ын сонгууль болохын өмнө 1950 төгрөг нэг ам.доллартай тэнцэж байсан бол ам.долларын ханш өнөөдөр 2630 төгрөгтэй тэнцээд байна. Ам.долларын ханш өсч, төгрөгийн ханш унах болсон шалтгааныг эдийн засагчид гадаадаас  илүү дотоодын улс төрийн хямралтай холбон тайлбарлаж буй. Учир нь, дотогшлох долларын урсгал хумигдаж, хөрөнгө оруулалт буурч байгаа нь ам.долларын ханш өсөх шалтгаан болоод байгаа билээ. Хэдийгээр Монгол Улсын Засгийн газар ОУВС-гийн хөтөлбөрийн хүрээнд гишүүн орнуудаас тодорхой хэмжээний хөнгөлөлттэй зээл дэмжлэг авч байгаа ч дотоодод ам.долларын ханш улам өсч буй юм. Төгрөгийн ханшийг тогтворжуулахын тулд Төв банк өнгөрсөн онд 1.2 тэрбум ам.доллар зах зээлд нийлүүлсэн байна.