Баянзүрх Дүүргийн Иргэдийн Төлөөлөгчдийн Хурлын ээлжит хуралдаанаар Газар зохион байгуулалтын төлөвлөгөөг баталжээ. Ингэснээр тус дүүрэгт  2016 оноос хойш шийдвэрлэгдээгүй байгаа 5869 иргэний 368.2 га газрыг эзэмшүүлэх, 1479 иргэний 76 га газрыг өмчлөлийн зориулалтаар эзэмшиж, өмчлүүлэх боломж бүрдэх аж. Өөрөөр хэлбэл, газраа эзэмшиж, өмчлөх боломжгүй байсан иргэдэд энэ эрх нь нээгдэж, баталгаажна гэсэн үг юм. Газар өмчлүүлэх, эзэмшүүлэх ажлыг ирэх даваа гаригаас эхлүүлэхээр болжээ.