ОХУ-ын Сахалин мужийн Южно-Сахалинск хотноо “Азийн хүүхдүүд” өвлийн спортын анхдугаар наадам болж байна. Энэ сарын 8-17-ны өдрийг хүртэл үргэлжлэх уг наадамд Монгол улсаас нийт 13 тамирчин оролцож буй юм. Тамирчид уулын цана, гүйлтийн цана, биатлон, тэшүүрийн төрөлд өрсөлдөнө.

Өчигдөр тус хотын төв талбайд Монголын багийн туг өргөх ёслол зохион байгуулагдлаа. Эл ёслолд Монголын баг тамирчид болон Монгол улсын Зам, тээврийн хөгжлийн сайд, Улсын их хурлын гишүүн, "Азийн хүүхдүүд – 2020" наадмыг зохион байгуулах хорооны дарга Б.Энх-Амгалан тэргүүтэй төлөөлөгчид оролцсон юм.