10 настай охины үхэл хүүхдийн хүчирхийллийн эсрэг дуу хоолой болж байна | News.MN

10 настай охины үхэл хүүхдийн хүчирхийллийн эсрэг дуу хоолой болж байна

10 настай охины үхэл хүүхдийн хүчирхийллийн эсрэг дуу хоолой болж байна

10 настай охины үхэл хүүхдийн хүчирхийллийн эсрэг дуу хоолой болж байна

Японы Чиба мужийн Нода хотод 10 настай охин Миа Курихара нэгдүгээр сарын 24-ны өдөр гэрийнхээ ариун цэврийн өрөөнд  нас барсан байдалтай олджээ. Охины бие тэр чигтээ хөхөрч, хавдсан байжээ. Энэ хэрэгт түүний аав 41 настай Миа Юичиро, ээж 41 настай Нагиса нарыг буруутган баривчилсан байна.

Энэ хэргээс үүдэн Япон улсын гэр бүл дэх хүүхдийн хүчирхийлэл, хүүхдийг бэлгийн мөлжлөгөд ашиглах, бэлгийн хүчирхийллийн золиос болохоос сэргийлж яаралтай арга хэмжээ авахыг НҮБ-ын Хүүхдийн эрхийг хамгаалах хорооноос тус улсын засгийн газарт сануулсан байна. Үүний дагуу тус улсын Ерөнхий сайд Шинзо Абэ нэг сарын хугацаанд далдаар үйлдэгдэж буй хүчирхийллийг олж илрүүлэн хүүхдийн хүчирхийллийг яаралтай таслан зогсоохыг холбогдох байгууллагуудад үүрэг болголоо.

Охины ээжийг хүчирхийллийг таслан зогсоогоогүй гэж буруутгаж байгаа бөгөөд түүний мэдүүлснээр аав нь охиноо нэгдүгээр сарын 7-ны өдрөөс эхлэн сургуульд нь явуулалгүй гэртээ хорьж, хоол ундыг нь багасган, шөнө бүр босгож зогсоодог байжээ.  Мөн нас барахынх нь өмнөх өдөр түүнийг хүйтэн шүршүүрт маш удаан зогсоосон байна.

Масахико Ябэ

2017 оны арваннэгдүгээр сард Миа охин аав нь өөрийг нь шөнө босгоод зодож дарамталдаг талаар захидал илгээж сургуулиасаа тусламж хүсч байжээ. Ингээд тус хотын Хүүхэд хамгаалах төв түр хамгаалалтад авсан ч нэг сарын дараа ээж нь охиноо авахаар болсон байна. Миагийн эцэг охины захидлыг өөрийн нүдээр харахыг хүсэхэд сургуулийн удирдлагууд зөвшөөрөөгүй байна. Гэтэл Нода хотын Боловсролын газрын хүүхдийн асуудал хариуцсан ажилтан Масахико Ябэг охины эцэг сүрдүүлсэн учир захидлын хуулбарыг түүнд өгчээ. Тэрбээр ийм үйлдэл хийсэн нь охиныг үхэл рүү түлхэх шалтгаан болсон байж болзошгүйг хэлээд харамсаж байгаагаа илэрхийлжээ.

Охины эцэг Юичиро Миа

Япон улсын Боловсролын яамны ажилтан Хидэаки Мацүки “Хүчирхийлэлд өртсөн байж болзошгүй хүүхдийн захидлыг дамжуулсан маш ноцтой, өршөөж боломгүй алдаа. Боловсролын газрын ажилтны энэ үйлдэл нөхцөл байдлыг улам хүндрүүлсэн ч байж болно. Түүнийг ч мөн давхар шалгах хэрэгтэй” хэмээн хэлжээ. Захидал аавынх нь гарт орсноос гурван сарын дараа аав нь охиноо өөр дээрээ авч, гэр бүлтэйгээ хамт амьдрахыг хүсч байгаагаа охиныхоо өөр нэг захидлын хамт Хүүхэд хамгаалах төвд уламжилжээ. Энэ удаагийн захидал өмнөхөөс огт өөр утгатай байв.

Захидалд “Аав минь намайг зодсон гэж худлаа хэлсэн юм. Учир нь би ээж, аавтайгаа муудалцсан байсан юм. Би гэр бүлтэйгээ, аавтайгаа хамт амьдрахыг хүсч байна. Хүүхэд хамгаалах төвийн ажилчдыг дахиж гэртээ ирүүлэхийг хүсэхгүй байна” хэмээн бичжээ.

Хүүхэд хамгаалах төв охиныг аавтайгаа амьдрахыг зөвшөөрч, гэр рүү нь буцаасан бөгөөд охиныг нас барах хүртэл нэг ч удаа эргэж очоогүйгээр зогсохгүй эцэг эхтэй нь нэг ч удаа холбоо бариагүй байна.

Охины эцэг Юичирог байцаахад өөрийгөө буруугүй, энэ бол зүгээр л хүүхдээ хүмүүжүүлэх арга, буруу зүйл хийхэд нь шийтгэсэн шийтгэл хэмээн хариулжээ.

Цагдаагийн байгууллагын мэдээлснээр тус улсад 2018 оны байдлаар 18-аас доош насны 80,105 хүүхэд гэр бүлийн хүчирхийлэлд өртөж байна гэж Хүүхэд хамгаалах төвд хандсан байна. Тэдний 70 хувь нь буюу 57 мянга нь сэтгэл санааны дарамт, 14 мянга нь бие махбодийн хүчирхийлэл, долоон мянга нь эцэг эх нь хүүхдээ асрахаас татгалзсан, 258 нь бэлгийн хүчирхийллийн золиос болж байсан ажээ. Эдгээр тоо нь өмнөх онуудаас харьцангуй өссөн үзүүлэлт гэж Цагдаагийн байгууллагын албаны хүмүүс мэдээлж байна.

Эх сурвалж: NHK

"Болор дуран"-аар шалгав.
Энэ мэдээнд өгөх таны сэтгэгдэл?
38
ХарамсалтайХарамсалтай
10
БурууБуруу
2
ХахаХаха
2
ТэнэглэлТэнэглэл
1
ХөөрхөнХөөрхөн
1
ГайхмаарГайхмаар
0
ЗөвЗөв
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-02-08 211.36.148.21

Хүнийг багаас нь яаж хүмүүжүүлнэ тийм л ухамсараар нийгмийн амьдралд хандана. Манай улс даанч хүүхдийн хүмүүжилд анхаарал тавьх нь битгий хэл ард иргэддээ ч анхаарал халамж юу ч байхгүй. Хүний хөгжлийг эрхмэлвэл Монгол орон маань хөгжинө.

Avatar

Зочин 2019-02-08 66.181.186.143

Манайд энэ байтугай хүчирхийлэл удаа дараа болж байхад НҮБ яагаад таг дуугүй байдаг юм бэ? НҮБ Японыг хөгжилтэй орон болохоор ийнхүү тал засаж байгаа нь дэлхийн улс орнуудад эрх тэгш үйлчилнэ гэдэг зарчим алдагдаж байна, НҮБ шударга ёсыг тогтооё.

Avatar

Зочин 2019-02-08 211.36.140.224

Монголд бүр хүүхдийн аминд хүрч байгаа, өчнөөн олон хүүхэд амиа алдаж байхад НҮБ юугаа хийгээд байгаа юм бэ?

Avatar

Зочин 2019-02-08 66.181.186.143

hghfgh

Avatar

Ddd 2019-02-08 103.26.194.218

Tegnee ter. Chugam l jaoan hun shig sain hun bhgui ntr amaa olohgui burstgaaj ,eleg negtnee harituulj muuldag bolson. Muusain samurainud 37 ond yasan bilee. Bugd martah uchirgui. Hyatadad allaga uildej, solongos huuhnuudig huchirhiiljm aziin ornuudig tonon deeremdej bsan ayultai muusain samurnainuud. Aral ni jivehiin tsagt mongolru buunuur irj horgodno ged ertnes hudla tusalsan dur esgej bga

Avatar

Зочин 2019-02-08 202.131.244.210

Ямар ч боловсролгүй дебилүүд чөлөөтэй сэтгэгдэл бичдэг цаг үе юм даа. Ямар ч улс оронд тодорхой бага хувь хэмжээнд сэтгэцийн гажигтай, хүчирхийллээр таашаал авагч этгээдүүд байгаа. Тэднээс бусад иргэд, хүүхдүүдийг хэрхэн хамгаалах вэ гэдэг хамгаалах тогтолцооны асуудал юм. Юун яасан самурай. 39 оны Халх голын дайн бол ЗХУ-Япон хоёрын Манжуур болон Монгол дагуу нөлөөллөө тогтоох гэсэн цэргийн мөргөлдөөн байсан юм. Харин ч оросууд манай 4 эрэгтэй хүн тутмын нэгийг 30-аад онд хэлмэгдүүлж алсан.

Avatar

Зочин 2019-02-08 202.142.138.4

Orosuud tembuugees chini salgaj hun amiig harin usguj ugsun bh shuu

Avatar

Зочин 2019-02-08 202.131.244.210

Япончуудыг аллага үйлдсэн, гажууд хүчирхийлэл үйлдсэн гэдэг тухайд тодорхой хэмжээнд байсан нь үнэн, дээхэн үед Япон гэлтгүй бүх л дайн байлдааны үр дагаварт тийм асуудал гарч байсан. Харин Японтой өрсөлдөх, өсөрхөх сэдэлтэй хятад, солонгосчууд хэт дэвэргэж, үндэслэлгүй мэдээлэл дэлхийгээр нэг тараадаг юм.

NewsMN Гар утасны хувилбар Татах
NEWS.mn

Мэдээллийн эх сурвалж