Улаанбаатар хотод үйл ажиллагаа явуулж буй хүнсний дэлгүүрүүд Сар шинийн баярын өдрүүдэд буюу хоёрдугаар сарын 5, 6-нд амарч, хоёрдугаар сарын 7-ны өдрөөс ердийн цагийн хуваарийн дагуу ажиллаж эхэлсэн байна.

Худалдаа, үйлчилгээний бусад байгууллагын ажиллах цагийн хуваарийг танилцуулвал, “Номин холдинг”-ийн хүнсний салбар дэлгүүрүүд хоёрдугаар сарын 5-нд амарч, хоёрдугаар сарын 6-нд 11:00-20:00 цаг хүртэл ажиллаж, 7-ны өдрөөс ердийн цагийн хуваарийн дагуу ажиллаж эхэлжээ.

“Алтан жолоо трейд” ХХК-ийн “Сансар” сүлжээний супермаркетуудаас хоёрдугаар сарын 7-ны өдөр “Сансар-39” Баянзүрхийн товчоо 09.00-22.00, “Сансар-40” Улаанбаатар их дэлгүүр 12.00-22.00 цагт ажиллаж, “Сансар-9.10” амарч, бусад салбар 09.00-22.00 хүртэл ажиллах юм байна. Хоёрдугаар сарын 8-ны өдрөөс эхлэн бүх салбар ердийн цагийн хуваарийн дагуу ажиллах аж.

“Оргил” супермаркетуудын бүх салбар, “Боса” сүлжээ дэлгүүрүүд хоёрдугаар сарын 7-ноос энгийн цагийн хуваариар ажиллаж эхэлжээ. “Миний дэлгүүр” ХХХ-ий сүлжээ дэлгүүрүүд хоёрдугаар сарын 8-ны өдрөөс ердийн цагийн хуваарийн дагуу ажиллах юм байх бол “И-Март” их дэлгүүр шинийн 6, 7-ны өдрүүдэд 12.00-21.00 цагт ажиллаж, хоёрдугаар сарын 08-аас ердийн цагийн хуваарийн дагуу ажиллаж эхлэх ажээ.

“Нарантуул” худалдааны төв хоёрдугаар сарын 5-ны өдрөөс 12-ны өдрийг дуустал амраад, хоёрдугаар сарын 13-ны өдрөөс эхлэн ердийн цагийн  хуваарийн дагуу ажиллах юм байна.

“Хархорин” худалдааны төв хоёрдугаар сарын 9-ний өдрөөс,“Барс” 1, 2 худалдааны төвүүд мөн шинийн 5-ны өдрөөс эхлэн ердийн цагийн хуваарийн дагуу ажиллах аж. “Хүчит шонхор” худалдааны төв хоёрдугаар сарын 11-нийг дуустал амарч, 12-ны өдрөөс эхлэн ердийн цагийн хуваарийн дагуу ажиллана. “Да хүрээ” авто худалдааны төв хоёрдугаар сарын 8-ныг дуустал амарч, хоёрдугаар 9-ний өдрөөс ердийн цагийн хуваарийн дагуу ажиллах нь ээ. Аж үйлдвэрийн барааны дэлгүүрүүд хоёрдугаар сарын 8-ны өдрөөс эхлэн ердийн цагийн хуваарийн дагуу ажиллах юм байна.

Хоол үйлдвэрлэл, үйлчилгээний ресторан, баар, кафе, цайны газар, түргэн хоолны газрууд хоёрдугаар сарын 8-ны өдрөөс эхлэн ердийн цагийн хуваарийн дагуу ажиллах бол үйлдвэр, албан байгууллагын дэргэдэх хоолны газрууд тухайн байгууллагынхаа  ажиллах цагийн хуваарийн дагуу ажиллах аж.

Б.ЖАРГАЛ