Нэг өдөр хэдэн бууз идэхэд хангалттай вэ

Хуучирсан мэдээ: 2019.02.07-нд нийтлэгдсэн

Нэг өдөр хэдэн бууз идэхэд хангалттай вэ

Нэг өдөр хэдэн бууз идэхэд хангалттай вэ

Сар шинийн баяр болж байгаатай холбогдуулан Нийгмийн эрүүл мэндийн үндэсний төвийн Хоол судлалын албаны эрдэм шинжилгээний ажилтан Б.Түвшинбаяр зөвлөж байна.

  1. МАХ

Хоногт шаардлагатай махны дээд хэмжээ нь 180 гр байдаг. 1 бууз = 35 гр мах гэж тооцвол та өдөртөө 5-6 ширхэг бууз идэхэд хангалттай. Махны шингэц 3-4 цаг байдаг тул тохируулж хэрэглэхийг сануулъя.

Махны их хэрэглээнээс шалтгаалж дараах эрсдэлүүд үүсдэг.

Үүнд:

– Бие махбодыг хордуулах

– Жин нэмэх

– Өтгөн хатах

– Зүрх судасны эмгэг үүсэх

– Даралт ихсэх

– Ходоод гэдэсний эмгэг үүсэх

– Элэг, цөс, нойр булчирхайн эмгэг үүсэх

– Бөөр, тулай, үе мөчний үрэвсэлт өвчин сэдрэх зэрэг сөрөг үр дагавруудтай.

  1. ХҮНСНИЙ НОГОО, ЖИМС-ийг түлхүү хэрэглээрэй.

Хоногт шаардлагатай хэмжээ хүнсний ногооны хэмжээ нь 400 г байдаг. Аль болох түүхий ногоо жимс, тэдгээрийн шүүсийг уух нь зөв.

Ач холбогдол

– Махны задралаас үүссэн хорт бодис, холестерины шингэцийг саатуулж биеэс зайлуулах

– Хоол боловсролтыг эрчимжүүлэх

– Гэдэсний гүрвэлзэх хөдөлгөөнийг нэмэгдүүлнэ

– Өтгөн хаталтаас сэргийлэх

– Жин нэмэхээс сэргийлэх

– Антиоксидант, фитохимийн бодис, будагч бодис, үнэрт бодис гэх мэт эрүүл мэндийг дэмжигч олон төрлийн бодис агуулдаг

– Аминдэм, эрдсийн өндөр агууламжтай

  1. Мөн ус, шингэн зүйл тогтмол ууж байх нь зөв.

Хоногт шаардлагатай хэмжээ 2-2,5 л байдаг.

Усны ач холбогдол нь:

– Жин нэмэхээс сэргийлнэ

– Бие махбодыг цэвэрлэнэ

– Өтгөн хаталтаас сэргийлнэ

– Хоолны шингэцийг нэмэгдүүлнэ

– Даралт ихсэлтээс сэргийлнэ

– Бодисын солилцоог эрчимжүүлнэ

Хоол идэхээс 20-30 минутын өмнө ус ууж байгаарай.

  1. ЧИХЭР, ЧИХЭРЛЭГ УНДААНЫ ХЭРЭГЛЭЭ

Сахарын хоногийн хэрэглээ – 25-30 гр байдаг.

– Жин нэмнэ /200 мл ундаа 320 ккал/

– Элэг өөхөлнө

– Дархлаа сулруулна

– Шимт бодисын шингэцийг бууруулна.

Б.ЖАРГАЛ

Энэ мэдээнд өгөх таны сэтгэгдэл?
1
ГайхмаарГайхмаар
1
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж