Энэ жил 99 насыг зооглож буй Баянгол дүүргийн өндөр настан Ж.Нямдарь гуайд Нийслэлийн Засаг дарга бөгөөд Улаанбаатар хотын Захирагчийн үүргийг түр орлон гүйцэтгэгч Ж.Батбаясгалан хүндэтгэл үзүүлж, гарын бэлэг гардууллаа.

Ноосны үйлдвэрт хангамжийн хэлтсийн даргын ажил эрхэлж байсан бөгөөд 5 хүүхэдтэй, бага охин нь 62 настай аж. Ж.Нямдарь гуай өдгөө 50 гаруй ач зээтэй өнөр бүл болсон байна. Нийслэл хотын бүтээн байгуулалт, хөгжил цэцэглэлтийн талаар яриа өрнүүлж урвуулагч хэмээх шороон гахай жил, сар шинийн босгон дээр хүндэтгэл үзүүлэн ирсэн явдалд талархсанаа нийслэлийн удирдлагуудад илэрхийллээ.

Нийслэлийн удирдлагууд жил бүр цагаан сараар өндөр настнуудад хүндэтгэл үзүүлдэг уламжлалтай. Энэ ёсоор шороон гахай жилийн босгон дээр ийнхүү хүндэтгэл үзүүлж байна.