"Ээж мод", "Ээж хад", "Хийморийн овоо" орчмын хогийг цэвэрлэв

Хуучирсан мэдээ: 2019.02.03-нд нийтлэгдсэн

"Ээж мод", "Ээж хад", "Хийморийн овоо" орчмын хогийг цэвэрлэв

"Ээж мод", "Ээж хад", "Хийморийн овоо" орчмын хогийг цэвэрлэв

БОАЖЯ, Цэнгэг усны нөөц, байгаль хамгаалах төв, МБШ-ны төв Гандэгчэнлин хийдийн лам нар байгаль хамгаалагч нартай хамтран Уул, усаа бохирдуулахгүй “Цэвэрхэн шинэлчцгээе” аяныг зохион байгуулж байна. Энэ  хүрээнд өнгөрсөн өдрүүдэд  иргэдийн сүсэглэн залбирдаг  Сэлэнгэ аймгийн  Шаамар суманд байдаг “Ээж мод”,  Төв аймгийн Сэргэлэн сумын нутагт оршдог “Ээж хад” болон сар шинээр иргэд олноор гарч хийморь лундаа, ажил үйлсээ даатгадаг “Хийморийн овоо” очмын хогийг цэвэрлэжээ.

Иргэд нэг үеэ бодвол уул овоонд гарахдаа хог тарих байгаль орчноо бохирдуулах нь багассан ч  тахин шүтэхдээ анхаарах зүйл олон байна гэдгийг  байгаль хамгаалагчид болоод лам хуврагууд хэлж байна. Сэлэнгэ аймгийн Шаамар суманд байдаг “Ээж мод” хэдхэн жилийн өмнө хүний буруутай үйл ажиллагаанаас болж шатаж дахин шинээр ээж модыг тахин шүтэж байсан бол өнөөдөр иргэд сүсэгтэн олны байгаль орчинд ээлгүй хандаж, ээж мод руу архи, сүү, цагаан идээ ихээр өргөж хадаг, самбаа уяснаас үүдэж мод үхжин дороосоо сийрэгжиж, өтөн насжилтгүй болсон байдалтай байна.

Тиймээс сүсэгтэн олон шүтэн дээдэлдэг уул овоо, мод тэргүүтнээ зөв тахин шүтэж өргөл барьцаа зөв өргөж,  байгаль дэлхийд ээлтэй  цэвэрхэн шинэлж идээ ундааны дээжийг дөрвөн зүг найман зовхисдоо өргөн сэтгэлдээ залбирч байгальдаа ээлтэй байхыг уриалж байна.

Эх сурвалж: БОАЖЯ

Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж