Засгийн газрын хэрэгжүүлэгч агентлаг Биеийн тамир, спортын газрын дарга Ц.Шаравжамц сар шинийн өмнөхөн урд хөршид ажиллаад иржээ. Тэрбээр албан ажлынхаа үеэр БНХАУ-ын сагсан бөмбөгийн холбооны ерөнхийлөгчөөр ажиллаж байгаа Яао Минтэй уулзсан байна.

Монголын хамгийн өндөр сагсчин, Гавьяат тамирчин Ц.Шаравжамц болон NBA-ын талбайд Азийн сагсчдын төлөөлөл болон тоглож байсан Яао Миний нарын энэхүү агшин олны анхааралд өртөв. Мөн тэдний уулзалтын үеэр Монголын сагсан бөмбөгийн холбооны ерөнхийлөгч Б.Тамир байлцсан байна.

Ц.Шаравжамц дарга Биеийн тамир, спортын газарт ажиллаж эхэлснээс хойш багагүй ажлуудыг амжуулаад байгаа. Олон түмэнд өндөр сагсчин нэрээрээ алдаршсан түүний хувьд нийгмийн сошиал хуудсанд идэвхтэй байдаг нэгэн. Сар шинийн өмнө албан томилолтоо дуусгаж, ажилдаа орсон Ц.Шаравжамц даргын олны анхааралд өртсөн фото агшныг хүргэж байна.

Ч.ШАРХҮҮ