Анх Улаанбаатар хотыг байгуулахдаа 500 мянган иргэнд зориулсан хот байхаар ерөнхий төлөвлөгөө гаргасан байдаг аж. 2001 онд хөдөө орон нутгаас нийслэл рүү нүүж ирсэн иргэдийн тоо хамгийн дээд цэгтээ хүрч, 68 мянга 800 хүн ганцхан жилийн дотор нүүж иржээ.

Өнгөрсөн 15 жилийн хугацаанд дунджаар жилд 45 мянган хүн нийслэлд нүүж ирсэн байна. 2020 оны Ерөнхий төлөвлөгөөгөөр 2040 он гэхэд нийслэлийн хүн амыг  1.5 саяд хүрнэ гэж төсөөлсөн бол 2019 онд аль хэдийнэ энэ тоогоо давжээ. Тиймээс дагуул хотоо хөгжүүлэхгүйгээр агаар, орчны бохирдол буурахгүй нь дээрх тоон баримтаас харагдана.

Э.ЖОНОН