Монголын загварын ертөнцийн сайхан бүсгүйчүүдийн тэргүүн эгнээнд бичигддэг нэгэн бол Ө.Содгэрэл. Загварынхан дундаа чамгүй өндөр боловсролтойд тооцогддог тэрбээр дэлхийн арав гаруй оронд үйл ажиллагаагаа явуулдаг "Buro247" сэтгүүлийн Монгол дахь захирлын албыг хашдаг бөгөөд хаана ч энгийн бөгөөд загварлаг харагдахаа мартдаггүй нэгэн. Харин түүний хувийн амьдралын тухайд зам тээврийн сайд асан М.Зоригтын том хүү З.Тэмүүнтэй амьдралаа холбосон билээ.  З.Тэмүүн хамгийн анх Ө.Содгэрэлийг  рекламны самбар дээрээс харсан гэнэ.

Тухайн үедээ "Эластин" шампунийн рекламд тоглож олон ч хүний харааг булаагаад байсан гэргийгээ уйгагүй хайсны эцэст найзуудтайгаа өглөө бүр ордог кафег нь олж очсон З.Тэмүүн шууд л Ө.Содгэрэлийн хажууд очоод суучихсан  гэдэг. Энэ цагаас хойш тэдний хайрын түүх эхэлсэн бөгөөд хосууд  одоо нэг охинтой юм.

                                                                                                                                               Э.БУРАМ