Билгийн тооллын 17-р жарны “Урвуулагч” хэмээх шороон гахай жилийн Сар шинийн барилдаан энэ сарын 4-ний өдөр “Буянт-Ухаа” спортын ордонд болно. 1999 оноос эхлэн Монгол бөхийн өргөөнд болж байсан Битүүний барилдаан энэ жил анх удаа “Буянт-Ухаа” ордонд болох гэж байна.

Улс, аймгийн алдар цолтой 256 бөхийн барилдааны бүртгэлийг өнөөдөр, маргааш авахаар болжээ. Бүртгэлийг Бөхийн өргөөнд хийх бөгөөд бөхчүүд цолны үнэмлэхтэйгээ, өөрийн биеэр очиж бүртгүүлэх юм байна.

Сар шинийн барилдааны өмнө болдог уламжлалт барилдаанууд Бөхийн өргөөнд болж бөгөөд нийтийн бөхчүүд болон сумын цолтой бөхчүүдийн барилдаан боллоо. Өнөөдөр аймаг, цэргийн цолтой бөхчүүдийн барилдаан болно.