Билгийн тооллын 17 дугаар жарны “Урвуулагч” хэмээх шороон гахай жилийн сар шинийн баярт зориулсан цуврал барилдаан Бөхийн өргөөнд болж байна.  Өчигдөр /2019.01.31/ болсон нийтийн Монгол шандастаны барилдаанд 160 бөх зодоглосноос Баянхонгор аймгийн Хүрээмарал сумын харьяат, МУИС-ийн Б.Хаш-Эрдэнэ түрүүлж, Өвөрмонголын бөх Г.Бүрэнболор үзүүрлэжээ.

Сар шинийн барилдаанд зориулсан нийтийн бөхчүүдийн бөхийн барилдаанд үзүүрлэсэн Г.Бүрэнболор БНХАУ-ын ӨМӨЗО-ны Улаанхад хишигтэн хошууны бөх аж.  Мөн өсвөр бөхийн барилдаанд 28 бөх барилдсанаас Завхан аймгийн Тэс сумын харъяат Б.Баярболд түрүүлж, Багануур дүүргийн бөх Ц.Эрхэмбаяр үзүүрлэв. Их шөвөгт Төв Заамарын Б.Ган-Эрдэнэ, Сэлэнгэ Сайхан сумын Э.Тэлмүүн нар шалгарлаа.

Өнөөдөр Бөхийн өргөөнд Хавдрын эсрэг үндэсний зөвлөлийн нэрэмжит Сумын цолтой болон залуу бөхчүүдийн барилдаан болно.