Түмэн Шувуут түмнийх боллоо | News.MN

Түмэн Шувуут түмнийх боллоо

Хуучирсан мэдээ: 2019.02.01-нд нийтлэгдсэн

Түмэн Шувуут түмнийх боллоо

2019 оны төдийгүй Монголын ХАА-н салбарын хамгийн анхны IPO-г үндэсний үйлдвэрлэгч Түмэн Шувуут ХК гаргасан. Тус компанийн олон нийтэд санал болгосон хувьцааны анхдагч зах зээлийн арилжаа Монголын хөрөнгийн биржээр 2019.01.15-2019.01-31-ны өдрүүдэд  явагдаж,  амжилттай хаагдлаа.

Түмэн Шувуут ХК нь нийт хувьцааныхаа 25 хувь буюу 50,000,000 сая ширхэг хувьцааг нэгжийн үнэ нь 200 төгрөгөөр олон нийтэд санал болгосноос нийт 3000 хөрөнгө оруулагчаас 10.9 тэрбум төгрөгийн худалдан авах захиалга ирсэн байна.

Энэ удаагийн IPO нь сүүлийн хоёр жилд зарлагдсан хамгийн өндөр дүнтэй, хамгийн олон хөрөнгө оруулагчид оролцсон, иргэд SocialPay аппликейшнээр данс нээж, захиалга өгөх боломжтой технологийн дэвшлийг нэвтрүүлсэн онцлогтойгоор явагдсан юм.

Тус компани нь татан төвлөрүүлсэн хөрөнгөөр хөдөө аж ахуйн цогц шийдлийг агуулсан таван төслийг хэрэгжүүлэхээр төлөвлөсөн юм. Тодруулбал, өндөглөгч тахианы аж ахуй болон усалгаатай газар тариалан, гурил тэжээлийн үйлдвэрлэлээ өргөжүүлэх бол махны чиглэлийн тахианы аж ахуй, органик бордооны үйлдвэрийг шинээр барина.

Эдгээр төсөл хэрэгжсэнээр эхний жилдээ 5 тэрбум орчим төгрөг, 2022 он гэхэд 10 гаруй тэрбум төгрөгийн цэвэр ашигтай ажиллахаар тооцсон байна. Үүнээс тус компани жил бүр татварын дараах цэвэр ашгийн 30 хувийг хувьцаа эзэмшигчдэдээ ноогдол ашиг болгон тараах юм.

Түмэн Шувуут компанийн хувьцааг авах хүсэлтэй байсан ч хараахан оролцож амжаагүй иргэдийн хувьд хоёрдогч зах зээлийн арилжаанд оролцох боломж нээлттэй байна.

Голомт Капитал ҮЦК-ийн хувьд өнгөрсөн онд Сүү нээлттэй бонд, Бэрс,Алтан намар, Монголиан мортгэйж фанд, Нэткапитал финанс корпораци болон “Урбан” зэрэг хаалттай бондын хөрөнгө оруулалтыг амжилттай татан төвлөрүүлсэн юм.

Мөн монголын анхны даатгалын салбарын Мандал даатгал компанийн 7.4 тэрбум төгрөгийн IPO,  Эрчим бондын туслах андеррайтер, Говь ХК-ийн хувьцаа хуваах төслийг удирдан ажилласан хамт олон юм. Тус компани нь тун удахгүй “Монос хүнс” компанийн IPO-г олон нийтэд санал болгохоор ажиллаж байгаа юм байна.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Baidliig harznasan ni deer bh 2019-02-01 108.218.234.108

Odoo delhii dayar huvitsaanii une unaj bn, tsaashdaa ch unasaar bh bno. Ene hyamral togtvorjtol dor hayaj 2-3 jil shaardagdana. Odoo huvitsaa hudaldaj avah uye bish yum shig sanagdaj bn. Baidliig harznaj baihad oroitohgui.

Avatar

ЗОЧИН 2019-02-01 66.181.161.57

ТҮМЭН ШУВУУТ түмний шившиг болох шахаад сүүлийн өдөр арилжааг нь 15 минутаар сунгаж байж өөрсдөө захиалга өгч 109% болгосон уу?

Avatar

малч өвгөн 2019-02-01 202.9.42.244

Саяын хэдэн өдөрт ГАХАЙН өвчин гарч Монголын хэдэн гахайн аж ахуйг устгаж үгүй болгов. Шувууны ханиад мэт элдэв өвчнөөр зун бүр урд холоос ирсэн нүүдлын шувууд МУ-ын нууранд бөөнөөрөө үхээд байгаа өнөө үед …. хэр найдвартай хувьцаа вэ??? Манайд ариун цэврийн дэглэм, сахилга бат хэр билээ?? ирэх зун шатахгүй ямар баталгаа байна???? хамгийн найдвартай хувьцаатай газар хэн байнааа???

NewsMN Гар утасны хувилбар Татах
NEWS.mn

Мэдээллийн эх сурвалж