ХААН Банк үйлчлүүлэгчтэйгээ VIDEO CALL-аар харилцаж эхэллээ | News.MN

ХААН Банк үйлчлүүлэгчтэйгээ VIDEO CALL-аар харилцаж эхэллээ

Хуучирсан мэдээ: 2019.01.31-нд нийтлэгдсэн

ХААН Банк үйлчлүүлэгчтэйгээ VIDEO CALL-аар харилцаж эхэллээ

Дэлхийн банкны чиг хандлага, нийгмийн өөрчлөлт, хүмүүсийн амьдралын хэв маягаас үүдэн банкны үйлчилгээ цахим хэлбэрт шилжсэн. Цахим банкны үйлчилгээгээр тэргүүлэгч ХААН Банк нь өдгөө  2.5 сая хэрэглэгчтэй. Тус банк үйл ажиллагаагаа өргөжүүлж, Монголдоо анх удаа  киоскийн видео теллер үйлчилгээг нэвтрүүллээ.

ХААН Банкны Харилцагчийн мэдээллийн төвийн 1800-1917 лавлах шинэ байранд нүүн орсноор хүн хүч, техник хэрэгслийн хүчин чадлыг өмнөхөөс 30 хувиар нэмэгдүүлж, нэгэн зэрэг 100 хүнд үйлчлэх боломж бүрджээ. Ингэснээр харилцагчид заавал банк руу очилгүй 1800-1917 лавлах утас, callcenter@khanbank.com и-мэйл, www.khanbank.com вэбийн чат, банкны албан ёсны фэйсбүүк, твиттер хаягаар 24 цагт 38 төрлийн үйлчилгээг авах боломжтой аж. Тус банкны шинэ үйлчилгээний нээлт өчигдөр /2019.01.30/ болсон юм.

                ӨДӨРТ 8-10 МЯНГАН ДУУДЛАГА ХҮЛЭЭН АВДАГ

Мэдээллийн үйлчилгээний ажилтан Т.Бэх-Очирбаатар

Мэдээллийн үйлчилгээний ажилтан Т.Бэх-Очирбаатар:

Харилцагчид маань 1800-1917 лавлах утсаар дамжуулан бүх төрлийн үйлчилгээг авах боломжтой. Манайх саяхан КИОСК машиныг үйлчилгээнд нэвтрүүллээ. Энэ нь харилцагч иргэний үнэмлэхтэйгээ банканд очиж тамгатай болон үлдэгдэлтэй лавлагаа, бусад мэдээллүүд авч болно. Мөн оператортой видеогоор дүрсээ харж, шууд харилцах боломжтой гэлээ.

Тус банкны ажилчид өдөрт 8-10 мянга гаруй дуудлага хүлээн авдаг байна. Нэг мэдээллийн ажилтан  100-150 иргэний санал, гомдол хүсэлтийг хүлээн авч, банкны гүйлгээ шалгах, мобайл банкны нууц үгийг сэргээх зэрэг үйлчилгээг ихэвчлэн үзүүлдэг байна.

ХААН Банкны Иргэдийн банк хариуцсан дэд захирал: М.Энхсайхан

Манай банк өнгөрсөн онд дуудлагын төвийн хүчин чадлаа нэмэгдүүлсэн. Харин сая он гараад энэхүү байрандаа орж байна. Өнгөрсөн сард хүчин чадлаа нэмэгдүүлэхэд 30 хувиар ачааллаа нэмэгдүүлсэн байна. Ид ачааллын үеэр ямар ч хүлээлт байхгүй, үйлчилгээгээ авч чаддаг. Өмнө нь КИОСК центр гэж байсныг мэдэх байх. Харин үүнийгээ “Contact центр” буюу  үйлчилгээний төв болгон өргөжүүллээ. Заавал хүн болгон салбараар үйлчлүүлэхгүйгээр зайнаас манай банкны үйлчилгээг авах боломжтой болж байна. Үүний нэг жишээ нь картын үйлчилгээг дуудлагын төвөөр захиалаад өөрөө шуудангийн салбараар авах бүрэн боломжтой болсон гэсэн үг. Ингэснээр бидний гол хүсээд байгаа зүйл нь харилцагчаа ойлгох, зайнаас харилцах боломж бүрдлээ. Хотын түгжрээнд цаг алдаад байхгүй. Банканд дугаарлахгүй, өөрийнхөө хувийн амьдралд алтан цагаа зарцуулах боломжтой боллоо. Илүү хялбар, шуурхай, хүртээмжтэй гэсэн үг юм.

Бид ажилтнуудаа ажлын зөв орчинд суулгахаас илүү хөдөлмөр аюулгүй байдлыг нь хангасан орчинд ажиллуулахыг зорьсон юм. Банк санхүүгийн салбарууд дуудлагын төв, харилцагчийн мэдээллийн төвөөр өрсөлдөхүйц хэмжээнд хүрсэн гэдгийг дахин дуулгахад таатай байна” гэлээ.

Та 1800-1917 лавлахын автомат хариулагчаас салбар тооцооны төвийн хаяг байршил, халамжийн санхүүжилт, интернет, банкны үйлчилгээний бүх төрлийн заавар авах боломжтойгоос гадна бүртгэлтэй утаснаасаа гүйлгээ, шилжүүлэг хийх, төлбөр төлөх, дансны мэдээллээ хянах, засах зэрэг бусад үйлчилгээг авч болох юм.

Сонирхуулахад, ХААН Банк ажилчдынхаа ажиллах орчныг ч бас мартсангүй. Цаг үргэлж харилцагчтай ажиллаж, мэдээлэл өгдөг хөдөлмөрийн хүнд нөхцөлд ажиллаж байгаа тэдэндээ цайны цагаараа чөлөөт цагаа өнгөрүүлэх амралтын өрөөг гаргаж, ажлын байрыг дуу тусгаарлагч ханатай болгожээ. Ингэснээр мэдээллийн ажилтнууд дуу чимээнд ядрахгүй, зөвхөн харилцагчтайгаа зайнаас харилцаж ажиллах таатай орчин бүрдсэнийг дуулгахад таатай байна.

Энэ мэдээнд өгөх таны сэтгэгдэл?
4
ЗөвЗөв
1
ХөөрхөнХөөрхөн
1
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Erdenebat 2019-01-31 202.55.188.46

Sain bainuu yaj holbogdoh we

Avatar

баяраа 2019-01-31 185.131.61.91

яаж video callaar yrih be

Avatar

Батаа 2019-01-31 66.181.160.91

Маш сайн банк шүү дээ. Утасаараа л бүх асуудлаа шийдэж байгаа. Олон хүний нөр их хөдөлмөрийг хүндлэх хэрэгтэй.

Avatar

Зочин 2019-01-31 202.70.34.70

Хамгийн хогинйн банк. Юм болгоноос 50, 100 төгрөг монждог. Апплекейшин нь төвөгтэй ойлгомжтой биш. Очихоор бөөн очерь, хүмүүс яагаад Хаан банкаар их үйлчлүүлдэгийг ойлгохгүй юм. Малчдыг ганц шулж байгаа банк даа. Энэ банкаар үйлчлүүлэхээ больцгооё. Остой хамгийн тэнэг банк

NewsMN Гар утасны хувилбар Татах
NEWS.mn

Мэдээллийн эх сурвалж