“Гамшигт тэсвэртэй хот” төсөл Орхон аймгийн 4 байгууллага, 6 багт хэрэгжинэ | News.MN

“Гамшигт тэсвэртэй хот” төсөл Орхон аймгийн 4 байгууллага, 6 багт хэрэгжинэ

Хуучирсан мэдээ: 2019.01.31-нд нийтлэгдсэн

“Гамшигт тэсвэртэй хот” төсөл Орхон аймгийн 4 байгууллага, 6 багт хэрэгжинэ

“Гамшигт тэсвэртэй хот” төсөл Орхон аймгийн 4 байгууллага, 6 багт хэрэгжинэ

Хойд бүсийн төв-Орхон аймгийн Онцгой байдлын газар, “Дэлхийн зөн Монгол” олон улсын байгууллагын хот суурин газрын гамшгийн эрсдэлийг бууруулах, гамшгийн менежментийг сайжруулах, даван туулах чадавхыг бэхжүүлэхэд чиглэсэн “Гамшигт тэсвэртэй хот” төслийг 2019-2020 онд хэрэгжүүлэхээр боллоо.

“Гамшигт тэсвэртэй хот” төслийн хүрээнд Хойд бүс болох Орхон, Архангай, Булган, Дархан-Уул, Сэлэнгэ, Төв, Хөвсгөл аймгийн  иргэдэд зориулсан “Гамшгаас хамгаалах сургалт аргазүйн төв”-ийг байгуулахад дэмжлэг үзүүлэх, “Аюулгүй өрх”, “Аврагч мазаалай” хүүхдийн сургалтын кабинетыг тохижуулахад хамтран ажиллах юм.

Төслийг хэрэгжүүлэх үйл ажиллагаанд 4 байгууллага, Баян-Өндөр сумын байгалийн гамшигт өртөмтгий 6 баг хамрагдаж байна.

Төсөл хэрэгжснээр суурин газрын гамшгийн эрсдэлийг бууруулах, даван туулах чадавхыг бэхжүүлэх, орон нутгийн түвшний гамшгийн менежментийг сайжруулах цаашлаад “Гамшгаас хамгаалах тухай хууль”, “Гамшгийн эрсдэлийг олон нийтийн оролцоотой бууруулах үндэсний хөтөлбөр”-ийн хэрэгжилтийг хангахад хувь нэмрээ оруулна гэж Хойд бүсийн төв-Орхон аймгийн Онцгой байдлын газраас мэдээллээ.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж