Apple компани iPhone ухаалаг гар утасныхаа үнийг үндэсний мөнгөн тэмдэгтийн доллартай харьцах ханш нь суларсан улс орнуудад бууруулахаар төлөвлөж байгаа ажээ. Энэ талаар тус компанийн тэргүүн Тим Кук мэдээлсэн байна.

Тэрбээр “Ройтерс”-т өгсөн ярилцлагадаа “Хэд хэдэн улсын валютын ханш суларсны улмаас хөдөлгөөнт төхөөрөмжийн үнэ мэдэгдэхүйц өссөн. Макро эдийн засгийн үзүүлэлтүүдийг нь харгалзан үзэж, үнийг тохируулахаар шийдээд байна. Бид өнгөрсөн жилийн орон нутгийн үнэтэй уялдуулахаар тогтсон нь бүс нутагт борлуулалт хийхэд тустай гэж найдаж байна" гэж хэлжээ.

Агентлагийн мэдээлж буйгаар энэ нь Apple компаний хувьд 12 жилийн хугацаанд ухаалаг гар утасны үнээ бууруулж, хамгийн хямд үнэ санал болгож буй хоёр дахь тохиолдол нь аж.

Эх сурвалж: RT