ЗТХЯ салбарынхаа ахмадуудаа хүлээн авч, хүндэтгэл үзүүллээ | News.MN

ЗТХЯ салбарынхаа ахмадуудаа хүлээн авч, хүндэтгэл үзүүллээ

СОДБААТАР

ЗТХЯ салбарынхаа ахмадуудаа хүлээн авч, хүндэтгэл үзүүллээ

ЗТХЯ салбарынхаа ахмадуудаа хүлээн авч, хүндэтгэл үзүүллээ

Урвуулагч хэмээх Шарагчин гахай жилийн сар шинийн баярын босгон дээр Зам, тээврийн хөгжлийн сайд Я.Содбаатар, Төрийн нарийн бичгийн дарга С.Батболд, АТҮТ-ийн дарга П.Дэлгэрнаран тэргүүтэй албаны хүмүүс  үе үеийн салбарын сайд, газар хэлтсийн дарга нарын хамтаар Монгол Улсын дэд бүтцийн тулгуур салбарыг хөгжүүлэхийн төлөө нөр их хөдөлмөр, сэтгэл зүрхээ зориулан ажилласан зам, тээврийн салбарынхаа 200 гаруй ахмадуудыг хүлээн авч уулзан, хүндэтгэл үзүүллээ.

Хүндэтгэлийн арга хэмжээний үеэр сайд Я.Содбаатар Тээврийн салбарт хийгдэж буй томоохон ажил, бүтээн байгуулалтын талаар танилцуулж ахмад тээвэрчдийнхээ саналыг сонслоо. Түүнчлэн Авто тээврийн салбарын тухай хууль, иргэний нисэхийн тухай хууль, төмөр замын тухай хууль зэрэг салбарын бүх хуулийг шинэчлэн найруулж УИХ-ын хаврын чуулганаар хэлэлцэн батлуулахаар ажиллаж байгаагаа  мэдээллэсэн юм.

1990-ээд оны сүүлээр салбарын хүрээлэнгүүдийг татан буулгаснаар Зам тээврийн салбарын эрдэм шинжилгээ судалгааны ажлууд ихээр орхигдох болсныг уулзалтын үеэр хөндсөн юм. Зам, тээврийн хөгжлийн сайдын зөвлөлийн хуралдаанаар зам тээврийн салбарын эрдэм шинжилгээ судалгааны хүрээлэн байгуулах шийдвэр гаргасныг ахмад тээвэрчид сайшааж байлаа. Зам, тээврийн хөгжлийн яам бол  Монголын техник технологийн шийдэл гаргадаг хөгжлийн  яам. Монгол төрийн технологийн шийдэл энэ хүрээлэнгээр дамжуулан гарч байх ёстой гэдгийг сайд Я.Содбаатар онцлоод зам тээврийн салбарыг түүчээлэн манлайлж хөгжүүлэхэд үнэтэй хувь нэмэр оруулсан ахмадуудаа талархал илэрхийлж, сайн сайхныг хүслээ.

Мөн Уулзалтын үеэр зам тээврийн салбарын ахмадын амралт сувилал байгуулах төслийг танилцууллаа. Ахмад тээвэрчдийн нийгмийн асуудалд онцгойлон анхаарч, тэтгэвэрт гарсан ч цаашид үргэлжлүүлээд ажиллах боломжтой ажлын байрыг бий болгох таатай мэдээллийг ЗТХЯ-ны төрийн нарийн бичгийн дарга С.Батболд онцоллоо.  Төв аймгийн Батсүмбэр сумын нутаг Сөгнөрийн голын эрэг дээр байрлахаар газраа сонгож төслийг боловсруулах ажил хийгдэж байна. Ийнхүү сар шинийн босгон дээр ЗТХЯ, АТҮТ хамтран зам тээврийн салбарын ахмадууддаа ажлаа тайлагнаж, хүндэтгэн урамшууллаа.

ЗАМ, ТЭЭВРИЙН ХӨГЖЛИЙН ЯАМ

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Жагаа 2019-01-30 103.212.118.181

Үүнийг бичсэн сэтгүүлч эх монгол хэлээ сайн сурч эзэмшинэ биз ээ.
…салбарынхаа ахмадуудаа…гэж гарчиглажээ. Давхар хамаатуулах дагавар хэрэглэх ёсгүй. Салбарын ахмадуудаа, аль эсвэл салбарынхаа ахмадуудыг… гэх учиртай. Мэдэж аваарай.

Avatar

SS 2019-01-30 66.181.168.8

SODBAATAR ATSAA HIIJ BGAAN. HURDAN YAVUULAACHEE!!!

Avatar

Зочин 2019-01-30 202.55.188.34

Agluu

NewsMN Гар утасны хувилбар Татах
NEWS.mn

Мэдээллийн эх сурвалж