Мэргэжлийн сумо бөхийн нагоя башёгийн тав дахь өдрийн барилдаан өндөрлөж, энэ сарын нагоя башёд анх удаагаа комүсүби цолтой барилдаж буй Хакуба А.Өнөржаргал Араныг ёрикири мэхээр давж, башёгийн анхны даваагаа авлаа. Мөн өнөөдөр их аварга Хакухо М.Даваажаргал баруун жигүүрийн маэгаширагийн хоёр дахь бөх Аминишикиг уватэнагэ мэхээр давснаар нагоя башёд тасралтгүй 37 дахь даваагаа авсан юм.

Манай бусад бөхчүүдийн тухайд өнөөдөр Кёкүтэнхо Н.Цэвэгням ёрикири мэхээр озэки Барутод унасан бол Харумафүжи Д.Бямбадорж ёрикири мэхээр Асасэкирюү Б.Дашнямыг давснаар гурван даваатай болсон байна. Харин Асасэкирюү таван өдрийн барилдаанаас ганц ч даваа авсангүй. Мөн энэ өдрийн барилдаанд Токитэнкү А.Хүчитбаатар Шимоториг, Какурюү М.Ананд Какизоэг тус тус давж, даваагаа ахиулсан бол Шотэнро Д.Нямсүрэн Коккайтай учраа тааран барилдаж, окуридаши мэхээр өвдөг шорооджээ.

Түүнчлэн өнөөдрийн барилдаанд хоорондоо барилдсан Моконами Г.Базарсад, Тамаваши Б.Мөнх-Оргил нарын барилдаанд Моконами ошитаоши мэхээр давж, дөрвөн даваатай болсон байна.

Нагоя башёгийн тав дахь өдрийн барилдааны дүн:

Давсан                 Унасан
Хакухо /Ё/ 5-0            Аминишики /М2/ 2-3
Баруто /О/ 3-2            Кёкүтэнхо /М3/ 3-2
Харумафүжи /О/ 2-3        Асасэкирюү /М1/ 0-5
Котоошю /О/ 5-0            Точиозан /М1/ 2-3
Кайо /О/ 4-1                Точиношин /К/ 1-4
Кисэносато /С/ 4-1            Котошогикү /С/ 2-3
Хакуба /К/ 1-4            Аран /М2/ 1-4
Токитэнкү /М3/ 4-1            Ёшиказэ /М8/ 1-4
Китатайки /М4/ 2-3            Шимотори /М9/ 2-3
Какурюү /М6/ 5-0            Какизоэ /М9/ 0-5
Такэказэ /М11/ 3-2            Ваканосато /М7/ 2-3
Токүсэгава /М7/ 3-2        Такамисакари /М11/ 2-3
Моконами /М10/ 4-1        Тамаваши /М14/ 1-4
Бушуяма /М15/ 2-3            Тосаюүтака /М10/ 2-3
Кимураяма /М13/ 3-2        Гагамару /М12/ 2-3
Коккай /М12/ 4-1            Шотэнро /М16/ 1-4
Хомашо /М13/ 5-0            Хокуторики /М15/ 3-2
Тамаасүка /М16/ 2-3        Котокасуга /Ж1/ 3-2

С.Цэлмэг