Хөлбөмбөгийн Ази тивийн АШТ-ий хагас шигшээ тоглолт өндөрлөлөө. Японы шигшээ багтай аваргын төлөө өрсөлдөх багаар Катарын шигшээ баг тодорсон байна. Испани мэргэжилтэн Ф.Санчесаар удирдуулсан Катарын шигшээ баг хагас шигшээд тэмцээнийг зохион байгуулагч АНЭУ-ын шигшээ багтай тоглож 4-0 харьцаатай хожсон. Катарын шигшээ баг хагас шигшээд ялалт байгуулснаар түүхэндээ анх удаагаа тивийн аваргын шигшээд шалгарч байна.

Дэлхийн аваргад оролцож үзээгүй ч 2022 оны ДАШТ-ийг нутагтаа зохион байгуулах Катарын шигшээ баг тивийн аваргад маш өндөр ач холбогдол өгч байгаа ажээ. Катарын шигшээ баг ААШТ-д хамгийн өндөр амжилтаа 19844, 1988 онд үзүүлж байсан бөгөөд амжилтаараа 5-р байранд бичигдэж байсан бол 2011 онд дунд шөвөгт шалгарсан байдаг.

ААШТ-ий шигшээ тоглолт 2 сарын 1-нд Аби Даби хотын “Zayed Sports City Stadium” цэнгэлдэх хүрээлэнд болно.

Б.БЯМБАБАЯР