"Мадуро бол Венесуэлийн дарангуйлагч" | News.MN

"Мадуро бол Венесуэлийн дарангуйлагч"

Хуучирсан мэдээ: 2019.01.30-нд нийтлэгдсэн

"Мадуро бол Венесуэлийн дарангуйлагч"

"Мадуро бол Венесуэлийн дарангуйлагч"

Сөрөг хүчнийхэн олонх байдаг Венесуэлийн Үндэсний ассамблей ард түмнээ уриалан, улс орноо удирдах хугацаандаа дампуурлын ирмэг дээр аваачаад  зогсохгүй хууль бусаар бүрэн эрхийн хугацаагаа дахин эхлүүлсэн Н.Мадурогийн эсрэг бүх нийтийн жагсаал цуглааныг зохион байгуулж байгаа билээ. Энэ үеэр Венесуэлийн Үндэсний ассамблейн удирдагч Хуан Гуайдо өөрийгөө Ерөнхийлөгчийн үүрэг гүйцэтгэгчээр зарласан.

Өнгөрөгч Даваа гаригийн оройноос /2019.01.21/ эхэлсэн тус жагсаалын улмаас 40 гаруй хүн нас барж, хэдэн зуун хүн баривчлагдсан байна.

Тэрбээр шударга сонгууль явуулж, шинэ Ерөнхийлөгчийг сонгох хүртэл Ерөнхийлөгчийн үүрэг гүйцэтгэхээ зарласан бөгөөд түүнийг АНУ тэргүүтэй барууны орнууд болон Латин Америкийн улс орнуудын удирдагчид хүлээн зөвшөөрсөн. Гэхдээ Н.Мадурог ч бас ОХУ, Турк тэргүүтэй холбоотон улсууд нь дэмжиж байгаагаа илэрхийлсэн байна.

Зураг. Улаан өнгөөр тэмдэглэсэн улс орнууд нь Н.Мадурог дэмжиж байгаа бол цэнхэр нь Хуан Гуайдог, харин ягаан нь Венесуэлд дахин сонгууль явуулахыг дэмжиж байгаа Европын холбоо

Харин өчигдөр /2019.01.29/ Венесуэлийн Ерөнхий прокурор Тарек Виллиам Сааб, Хуан Гуайдог хууль бус үйлдэл хийснийх нь төлөө баривчилна хэмээн анхааруулж, Венесуэл дах түүний бүх хөрөнгийг царцааж, түүнийг эх орноо орхин явахыг хориглосон аж. Түүнийг Үндсэн хуульт байгуулалд заналхийлж, улс орны аюулгүй байдалд заналхийлсэн хэрэгт буруутгаж байгаа юм.

Хуан Гуайдо үүнийг үгүйсгэж, Үндэсний ассамблейн тэргүүний хувьд Ерөнхийлөгчийн эзгүйд, эсвэл хууль бус хэмээн үзсэн тохиолдолд өөрийгөө Ерөнхийлөгчийн үүрэг гүйцэтгэгчээр ажиллах бүрэн эрхтэй гэв. “Венесуэлийн ард иргэд Н.Мадурогийн дарангуйлал дор амьдарч байна. Хууль ёсны, шударга сонгуулийг зохион байгуулах нь бидний гол зорилго” гэжээ.

Венесуэлийн газрын тосыг худалдан авдаг гол улс нь АНУ

АНУ-ын зүгээс Венесуэлийн газрын тосны компаниудад тавьсан хоригоо чангатгасан бөгөөд Н.Мадурог буулгахын тулд хүч хэрэглэхэд ч бэлэн байгаагаа мэдэгджээ. Түүнчлэн АНУ-ын Ерөнхийлөгчийн Үндэсний аюулгүй байдлын зөвлөх Жонн Болтны гартаа барьсан дэвтэр дээр нь Венесуэлийн хөрш Колумб улс руу 5,000 цэрэг оруулах гэсэн бичиг байсан нь камерын дуранд өртөн шуугиан тарьсан. Харин Пентагоны тэргүүн Патрик Шанахан цэрэг оруулах тухай шийдвэр гаргаагүй байгаа гэв.

Эх сурвалж: ВВС

 

 

 

 

 

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЭХ СУРВАЛЖ 2019-01-30 124.158.113.3

ОРОСУУД БАРУУНЫ НЭР ХҮНДТЭЙ МЭДЭЭЛЭЛИЙН САЙТЫН НЭРЫГ БАРЬЖ ХУДЛАА МЭДЭЭЛЭЛ ЦАЦДАГ БОЛСОН.

Avatar

ихи 2019-01-30 124.158.88.12

Америкийн заль мэхийг эсэргүүцэн эх орноо хамгаалагчдыг дарангуйлагч болгон харагдуулж улс орныг нь сүйрүүлж эрхэндээ оруулдаг америк тархи угаалт.

Avatar

зочин 2019-01-30 202.9.43.177

Хэргийн учир их энгийн шдэ . Хятад Орос хоёр Мадурогоос 100 гаран тэрбум доллорын авлагатай , Гэтэл өнөөх нь уначих гээд байдаг !!! …

Avatar

зочин 2019-01-30 66.181.166.196

Автобусны жолооч ерөнхийлөгч болчихоор ингэнэ ш дээ

Avatar

зочин 2019-01-30 202.9.43.177

Зураач ерөнхийлөгч болчихоор яах бол ? .

Avatar

Хабиб 2019-01-30 176.86.156.142

МАДУРО ДАРАНГУЙЛАГЧ БИШ НААДАХ ЧИНЬ АМЕРИКИЙН УЯАНЫ НОХОЙ ЮМ ШҮҮ ДЭЭ

Avatar

Зочин 2019-01-30 43.228.131.206

Жинхэнэ ард түмний тэмцэл, хувьсгал гэж үүнийг хэлэх байх даа, манайх шиг жагсагчдаа мөнгөөр цуглуулаад, талбай нь хүнээр дүүрэхгүй болохоор баахан гэр барьж дүүргэдэг хошин шогийн үзэгдэлийг жагсаал гэхгүй байхаа

Avatar

Зочин 2019-01-30 43.228.131.206

Манайд Мадуро, Путин, Эрдоган болчих сонирхолтой хүмүүс Жанхуу, Топороос эхлүүлээд зөндөө бий

Avatar

Зочин 2019-01-30 149.167.33.143

МЭЛГЭРО АРААС МАДУРО УДАХГҮЙ ЯВЛАА

Avatar

Зочин 2019-01-30 202.170.80.25

Мадуро = Жэнко

Avatar

Зочин 2019-01-30 122.201.24.133

Автобусны жолооч л хүн шүү дээ!

NewsMN Гар утасны хувилбар Татах
NEWS.mn

Мэдээллийн эх сурвалж