“Вьетнам наймд үлдсэн нь том бэлэг байлаа” | News.MN

“Вьетнам наймд үлдсэн нь том бэлэг байлаа”

“Вьетнам наймд үлдсэн нь том бэлэг байлаа”

“Вьетнам наймд үлдсэн нь том бэлэг байлаа”

Арабын Нэгдсэн Эмират улсад болж буй хөлбөмбөгийн Азийн аварга шалгаруулах тэмцээн өндөрлөхөд цөөн хоног үлдлээ. Дөрвөн жилд нэг удаа болдог “Азийн цом” нэрээр алдаршсан энэхүү тэмцээнд 24 баг өрсөлдсөнөөс Японы шигшээ баг аваргын төлөө тоглох эхний эрхийг авлаа. Өнөө шөнө Катар болон тэмцээнийг зохион байгуулагч орны багуудын тоглолт болж, хожсон нь Японтой тоглох эрхийг авах юм.

Чансаа өндөр энэхүү тэмцээнд Вьетнамын шигшээ баг шөвгийн наймд үлдэж, түүхэн амжилт үзүүлсэн билээ. БНСУ-ын дасгалжуулагч Пак Хан Согоор удирдуулсан вьетнамчууд шөвгийн наймд Японд 1:0-оор дийлдсэн.

Пак Хан Со /60 настай/ дасгалжуулагч өнөө өглөө БНСУ-д ирлээ. Тэрбээр Инчеоны олон улсын нисэх буудалд буусны дараа хэвлэлийнхэнд мэдээлэл өгчээ.

Пак Хан Со дасгалжуулагч хэлэхдээ “Азийн цомын тэмцээнд үнэхээр хүнд байлаа. Хэсгийн эхний тоглолтуудаас эхлэн бидэнд хүнд нөхцөл байдал ирсэн. 16-д үлдэх боломжийг сүүлийн тоглолтоор авлаа. 2019 оны эхний тэмцээнийг сайхан эхлүүллээ. Азийн цомд наймд үлдэж, бид сайхан амжилтыг үзүүлсэн. Вьетнам даяараа үүнд баяртай байгаа. Мэдээж том, оны эхэнд том бэлэг барьсан. Цаашид олон тоглолт биднийг хүлээж байна. Цаашид Вьетнамын багийг маш сайн бэлтгэх тал дээр анхаарал хандуулах болно. ДАШТ-д оролцохын тулд хамгийн багадаа 10 жилийн хугацаа шаардана” гэсэн байна.

БНСУ-д цагаан сарын баяр дөхөж байгаа энэ үед Пак Хан Со гэр бүлийнхэнтэйгээ болон ээжтэйгээ хамт баярлахаар иржээ. Тэрбээр ирэх хоёрдугаар сарын 9-д Вьетнамыг зорих аж.

"Болор дуран"-аар шалгав.
Энэ мэдээнд өгөх таны сэтгэгдэл?
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-29 202.179.27.146

Вьетнам 2008 онд Азийн аврага болж байсан.

Avatar

Зочин 2019-01-29 139.5.217.59

Монгол яасан юм бэ?

Avatar

Хэ хэ хэ 2019-01-29 66.181.178.21

Хэ хэ хэ, сонин юм асуух юм. Бараа сураггүй хоцорно шүү дээ. Азидаа ийм байж, дэлхийн аврага болно гэж унгас алдаад байдаг

Avatar

mergen 2019-01-29 103.10.21.108

торкиотой бацаануудаа та нар муу сайн төлөгүүдээс л дор байна шүү дээ.

NewsMN Гар утасны хувилбар Татах
NEWS.mn

Мэдээллийн эх сурвалж