-Уламжлалт цагаан сард зориулсан Үндэсний бөхийн барилдааныг 1963 оноос хойш тасралтгүй зохион байгуулсан. Энэ жил 56 дахь жил нь. Чансаагаараа Улсын баяр наадмын дараа бичигддэг энэ барилдаанд хамгийн олон буюу 13 удаа түрүүлсэн бөх нь дархан аварга Б.Бат-Эрдэнэ юм.

• Алдарт аварга Ж.Мөнхбат, Х.Баянмөнх нар 22 настайдаа түрүүлж байжээ.
• Улсын аварга Д.Хадбаатар гурав түрүүлсэн гэдэг.
• Дархан аварга Д.Цэрэнтогтох таван удаа үзүүрлэжээ.
• Аймгийн цолтойдоо одоогийн аварга Ч.Санжаадамба, улсын харцага Ш.Мөнгөнбаатар нар юм.
• Дархан аварга Х.Баянмөнх хамгийн олон буюу 18 удаа их шөвөгт үлджээ.
• Цагаан сарын барилдаанд түрүүлсэн бөх тэр жилийнхээ улсын наадамд түрүүлсэн тохиолдол 22 бий. Хамгийн сүүлчийн жишээ Г.Эрхэмбаяр аварга ажээ.

Эх сурвалж: ЗУУНЫ МЭДЭЭ